أغنية / مبتعرفش معنى الوفا


مصطفى راشد
الحوار المتمدن - العدد: 8110 - 2024 / 9 / 24 - 20:49
المحور: الادب والفن     

أغنية / مبتعرفش معنى الوفا
-----------------------------
يالى السعاده معاك
ليه الغدر
مع اللى عاش يحبك ويرعاك
دا القلب مقدرش يوم ينساك
ليه القسوة
قولى مين قساك
والغدر ليه بيسرى فى دماك
وأنا اللى بتمنا دايما رضاك
عشت ليك بيك وياك
وجعلتك كل أهلى وناسى
تعيش فى حمايا وأعيش فى حماك
لو كان بأيدى
كنت أخترت أنساك
لكن القدر خلانى
للأسف أعشقك واهواك
ناس كتير ظلمها القدر
زى حالى معاك
لو كان بأيدى كنت غيرت المكتوب
علشان مبتش مكسور مغلوب
ورغم غدرك
معرفتش يوم أنساك
فكفرت بالمكتوب
اللى جرح قلبى فى هواك
وكسر قلبى معاك
مع انك عادى
وملايين زيك عادى
لكن مش أنا اللى أخترت أهواك
دا قلبى الخايب
اللى شايفك ملاك
حتى قلبى خانى معاك
باعنى وشارى هواك
خلاك تزيد فى غرورك
وتنسى كل اللى عملتهولك
وتقسى على قلبى
اللى كل همه رضاك
حظى احب ظالم شكاك
مبتعرفش معنى الوفا
والسماح والطيبة
مع اللى هواك
ونسيت قد ايه
كنت بخدمك وارعاك
لكن ربنا قادر يغير المكتوب
علشان مبتش يوم تانى مغلوب
ويعوضنى هواك
بالقلب الطيب،،، علشان أنساك
كلمات مصطفى راشد للنقد ت وواتساب 201005518391