إصحوا يا بشر

امال رياض

الحوار المتمدن-العدد: 3494 - 2011 / 9 / 22 - 02:01
المحور: الادب والفن
    

إصحوا يا بشر …… الحب فى خطر

وأنياب الشر………. بتلعب عالوتر
دعوا الرذائل …… ان الفضائل تحتضر
إصحوا يا بشر
إصحوا ده الظلم فارد جناحه عالإنسانية
أطماع … شرور ….. حقد وأنانية
والفساد له ألف لون .. ضيع جمال الكون
نسانا الأمانى والأغانى وليالى السمر
إصحوا يا بشر
زمان كان لينا قلب كلة حنان وطيبة
مليان رحمة وإيمان ودقته كانت حبيبة
ودموع عيونا كانت لجروح كل الحبايب
نبكى لبكاهم وندوب حنين لو فيهم حد غايب
النهاردة كل واحد منا فى همومة دايب
بعدنا عن صحبتنا ولمتنا ونقول ده قدر
إصحوا يا بشر
تعالوا ندور عالصدق اللى أختفى
والمعانى الحلوة والإخلاص والوفا
ليه يا ناس مات فينا الإحساس
وسكن جوة قلوبنا الجفا
وتحولت مشاعرنا لجماد من حجر
ما تصحوا يا بشر
إصحوا صحوة ضمير إنسان
لاجل مانرجع من تانى تعاليم الأديان
وعفة النفس وطهر القلب واللسان
نصحى قبل من نلاقى قلوبنا أوحش من الصحر
إصحوا ….. إصحوا يا بشر ….الحب فى خطر

#امال_رياض (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات