زواج تقليدي

أمينة بيجو

الحوار المتمدن-العدد: 7667 - 2023 / 7 / 9 - 14:21
المحور: مواضيع وابحاث سياسية
    

Şengê û Pengê /27/
شنكَى: روج باش دلالى.
بنكَى: روج باشتر هفالى.
شنكى: شلونك أختي، كأنك مو على بعضك، خير شوفي، طمنيني عنك؟
بنكَى: لا ماني حابة انزع مزاجك اليوم، وبلا مانحكي بوجع الراس.
شنكَى: لا أختي لا، ريحي حالك وأصلاً يومي منزوع ومنتهي كمان.
بنكَى: معناتوا لازم أنا أسالك أختي، أنشالله مافي شي مهم؟
شنكَى: لا لا تهتمي بس مفارقات بالحياة والجغرافيا.
بنكَى: شو هو اللي نزع مزاجك اليوم هاتي، بعرف ماراح ترتاحي أذا ماحكيتي؟
شنكَى: أختي ليش أغلب النسوان اللي عم يشتغلوا بالمنظمات، الهيئات النسوية، الجمعيات، الأتحادات، الأحزاب وغيرها عم يكذبوا على الناس؟
بنكَى: مافهمت قصدك، وين عم يكذبوا؟
شنكَى: بيقولوا لاتطلبوا مهر غالي لانه بنتكم موبقرة لحتى تبيعوها ووتطلبوا طلبات تعجيزية.
بنكَى: أي وين الكذب بالموضوع؟
شنكَى: ما انتي موحابة تسمعيني لانه مزاجك منزوع من السياسيين . الكذب اللي بالموضوع انهم عم يطلبوا لبناتهم وأخواتهم طلبات مابتخطر على بال حدا، مبسوطين، شايفين حالهم ومومصدقيين.
بنكَى: عادي اختي عادي، ازدواجية الرأي عنا متل شربة المي. وبتقول بنتي معها شهادة، حلوة، مأدبة، بنت عالم وناس، خلوقة، محترمة، بتعرف حدودها،حبيبة قلبي مافي منها أثنين. بنت جارتنا او بنت صديقتنا الفلانية ما بتطلع قد ظفر بنتي وعطوها بالشيء الفلاني. بنتي بتستاهل أكتر من هيك. بس مراعاة للخطيب ولمركزي ماراح اطلب أكثر.
شنكَى: اي حقها أختي، عريس ولقطة وخليها تشوف حالها شوي.
بنكَى: طيب ليش لما تخطب لأبنها مابتسكت، وتحت شعارات طنانة تتفلسف لحتى تخفف من طلبات أهل العروس.
شنكَى: مو قلتي أزدواجية. على أساس عم يعملوا على توعية المجتمع عامة والنساء خاصة.
بنكَى: أختي العالم صاروا بالسما، نحن لسى نسواننا عم يفكروا كيف تذل غيرها وتبرهن أنها أعلى شأن ببيع بناتهم واخواتهم.
شنكَى: شعارهم: نحنُ مابْنزوج غير من ملتنا ونحافظ على اللحمة الوطنية.
بنكَى: الله لايعطيكي العافية نزعتي يومي للأخير. أختي من الأخر قَرجي نابن خاتون وتساغ.

#أمينة_بيجو (هاشتاغ)      

---

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات