-(فاطمه) امهم اعَزّي

ميسون نعيم الرومي

الحوار المتمدن-العدد: 6970 - 2021 / 7 / 26 - 23:27
المحور: الادب والفن
    

يتغنج شغلته اويحچي باليعني
يتقاسم بالدخل و(البرهم) آنه اعني
هلبت غيرتك تصحه اوتتعلم
*من تونس (سعيد) اوشانك اتعلي
***
هديتوا العراق اگعتوا ع التلـَّه
لملوم امن الدول شيعيهم..كردي اوسني
عصابه الحاكمه سراق محترفين
اتجـوّع بالشعب والجار متهني
***
تخطف بالشباب اوتكتل اوتذبح
يا أم الشهيد اتعزي بس ونـّي
-(أحمد) العام انكتل واليوم (علاوي)-
-(فاطمه) امهم اعزي والخبر احزني
***
آلاف اتعوقت ميات دمهم سال
سراق اتملينت فرحانه واتغني
نايم ياشعب تحمل مهانه اوذل
ما ترضه الظلم لا ذله..كل ضني
***
باوع للشعوب الداير اوميدور
اتغـيـر انظمه اتـثـلث اتـثـني
شاطر باللطم والطين فوگ الراس
لا مشفى لا مدرسه لا شارع المبني
***
لا تونس لحگنه لا مصر لا ايران
انوج اوننطفي چن خفت ! دافني
* نوري السعيد الگال من ازمان
-(مثل گبة البردي اوننطفي)
..والمثل ثاولني
----------------------------------------
*هنيئا للشعب التونسي برئيسه قيس بن المنصف بن محمد سعيّدهو
رئيس الجمهورية التونسية السابع وسياسي
وأستاذ جامعي مساعد مختص في القانون الدستوي
---------------
(مو مثلنا احنه المگاريد)
------------------------------------------------------------------------------------
قال نوري السعيد رئيس الوزراء في العهد الملكي
*شعب العراقي مثل الملح الفوار يفور لثواني ثم يخفت
-------------------------------------------------------------
26/تموز2021
ســــــــــــــــــــــتوكهولم

#ميسون_نعيم_الرومي (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات