مني تكلم الحمار (لما تكلم الحمار)

نعيمة بوحدو

الحوار المتمدن-العدد: 6652 - 2020 / 8 / 20 - 22:21
المحور: الادب والفن
    

مني تكلم لحمار!



كان يا ماكان
هاذي زّماااااااان مني لحمار
تكلم بْحال لْإنسان :

- ياك سنين هاذي
وأنا كنخدمك يا هذاك لْإنسان
ونْت هاز على ظهري لخشب وْ لحجر ....
بَلْعرام
وشابع فِيَّ رْكيل وْ عصا وْ سبان
وْعاطي سميتي لْغبي
وصغير شّان
واه .... شحال ما فيك خييييير !
وْ... شحال قليل لحسان!

- سكووووت ألحمار....
ِأرّا سير ليماك .... وْ زيد لقدام!

- ايوا مولاي...
راني .... أناااااا لِهازك نْتاااااا وْلادك
كبيرهووووووم، وْ صغيرهم
انا لي....كنوصلك لدارك
وْ... حافظ طريقك
وْ حال ليك كا......ع مشاكلك
واش.... ماشي أنا.... مصدر رزقك؟
ولكن نْتا خيرك علااااااا ظهر يديك!

- سْكووووت ألْحْمار
أرّ سير ليماك.... وْ زيد لْقدام!

- مَنْ شْحا......ل هذي، وْ نْت داير ظهري غي.....رْ
خشبا كتصلاح للضرب وْرْكيل ولَعصا

قاتليني بجوع
وْ لَعطش
وْ لوسخ وقلة نْقا وْ منعسني غي......ر فْلخلا
باغي تَدْمَر عليَّ نْهاااااار وْ ماطال
بلا شفقا
بلا رحما!
ودابا غيرفهمني..... وقول ليَّ..... شكون لي خاصو يَتْلام ؟
‏واش نْتاااا ولا أنا ؟

- سْكووووت ألحمار
أَرَّ سير ليماك....، وْ زيد لقدام

- علاش أنااااا دبا ماشي من حقي نهضر؟
شوف فيَّ.....
راه جا لوقت..... باش تحل وذنيك
وْ تسمع ليَّ مزيااااااان !
أنا ......، أشنو بغيت منك......،؟!
أنا بغيت غيييييير تعطيني شويَّ ديال ليعتبار! :
تحن فيَّ وترحمني، حتى أنا مَن حقي نعيش فْلامان
راني حتى... أنا كاااااا نفهم....
‏وْكا نحس وْ ما كا نبغييييش نْتَحْقَر ولا نْتهان
‏ولا أنتاااا....، كاع ما سايق خْبار !
* * * * *
‏دازت أيام.....، وْ سنين
‏‏وْ بقات لحالا هياااااا....، لحالا
‏لا بشر فهم!
‏وَلا حمار ترحم !

‏
‏

#نعيمة_بوحدو (هاشتاغ)      

---

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات