مرتضى محمد
(Murtadha Mohammed)
الحوار المتمدن-العدد: 6023 - 2018 / 10 / 14 - 03:58
المحور:
الادب والفن
لسان حالها ، أو ربما هواجسك !
****************
ادنه..
خل تعكب عليك.. الروح
شمه..
وجرجف ابيض..
ادنه..
خايب كل تراجي السالفة..
اتكوطر تمر..
وانته مامش..
وانه كلهن مرعدن.. قلبي..
برسايل هافته..
ادنه..
تراهه مصوفره..
ومامش عيونك..
مامــــــش ......
عيونـــــــــك ..
اتجيب سنينك الرايح ضواهن..
وانته كلك يشتهيك..
الليل ،
والجلمة الطويلة الما غفت،
بسنين جحلن وانطفن..
يا هيه..
مدري من ياهي السوالف..
تمشي يمك،
ومدري من ياهي السوالف..
تدنه يمك..
ما اسمعك ...
وانته تصرخ من قريب..
ما احسك..
وانته شابكني شبك من غير جيد.
.......
مرتضى محمد...
2018
#مرتضى_محمد (هاشتاغ)
Murtadha_Mohammed#
كيف تدعم-ين الحوار المتمدن واليسار والعلمانية
على الانترنت؟