سمير هزيم.
الحوار المتمدن-العدد: 5913 - 2018 / 6 / 24 - 05:36
المحور:
الادب والفن
قصة قصيرة
———————
ماسينجر صباحي
اتصل معي احد الاصدقاء على الخاص. وقال لي :
ارجو مساعدتي يا أستاذ.
خير. تفضل.
والله يا أستاذ خجلان قلك
انت بتدخن وبدك ياني دلك عا طريقة تبطل الدخان ..؟
لا لا أستاذ. معاذ الله اني بدخن ....!!
بتتعاطى مخدرات ..؟
شو هي مخدرات بعمري ما سمعت فيها أستاذ ..!!!
معناها انت مدمن عا الكحول ..؟
لا يا أستاذ. انا مؤمن وبخاف الله. الخمر من عمل الشيطان يا أستاذ ..!!!
اكيد انت بتلحق نسوان الليل. ؟
اطلاقا ما عملتا يا أستاذ. شو نسوان ليل وشو نهار ..!!
بس ما تكون. بتحب الأولاد والرجال ....؟
استغفر ربك يا أستاذ. انا طبيعي ومتجوز بالحلال .
بتخون مرتك ..؟
هههههههه انا خون...!؟. انشالله بموت اذا بترف عيني على مرة غير مرتي ..!
والله حيرتني. شو مشكلتك لكان ..؟
انا بكذب كتير أستاذ ...
#سمير_هزيم. (هاشتاغ)
كيف تدعم-ين الحوار المتمدن واليسار والعلمانية
على الانترنت؟