شعبية... عمر اسود

احمد ابو ماجن
شاعر وكاتب
(Ahmed Abo Magen)

الحوار المتمدن-العدد: 5232 - 2016 / 7 / 23 - 10:20
المحور: الادب والفن
    

تالي الليل وحشة
بلا ضوه عيون الحبيب
مثل وحشة مكبرة
بلايه سوالف
تاكل بروح الغريب
وتجمد الذكرى اعلى جف ايدي الحزينة
وكل جهنم بيه مشتعلة تعطب كل مدينة
ويشتعل بالروح نار
جنها نار امي البقت تلهب حدر تنور طين
وصارت الجيمه مواجع نامت بحضن السنين
وياجهنم تجرح اخدودي بدمعها
يادمعها
حار يكتل
سيف ينهش مستحاي
ويغفى بسنيني عمر ماضاك ضحكة
تحرك اشفافة جكارة مورثة بسابع ألم
وهيج ياربي اذوب
ليش خالقني شمع
شما اصحين بس تعالو
يبقى صوتي يحوم فوك الناس
بس ماينسمع
شما اكولن راح اعيشن
اكعد من الصبح ميت
حتى صار اتعس طبع
شما احاجي الهوه اليندار اعلى روحي
يشتكيلي يكلي كافي
وكافي تفردها السوالف فوك زلف الماي
وبحلك النبع
شما اعض اصبع ندم
يطلع عمر
بس ياعمر
والعمر جذبة جبيرة
تمشي عالوادم مثل سيل النهر
ماي مابيها ولكن
بيها سيل من القهر
الناس تضحك مستريحة
وصافية الدنيا تسل ضحكاتهم
مثل البحر
موج موج الراحة عدهم
واني حظي قطرة قطرة
هيج تسكيني يربي
لو ردت راحة صبر

#احمد_ابو_ماجن (هاشتاغ)       Ahmed_Abo_Magen#          

---

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات