الحضن الدافي

صبري سالم فزع

الحوار المتمدن-العدد: 5107 - 2016 / 3 / 18 - 17:23
المحور: الادب والفن
    

أم الحضن دافي

ألچ يم الحضن دافي

المانسيته طول عمري

وياحليب أمي الزرع بگليبي شتلات الورد

خضرن كلهن محنة

الچ يالغالية ياطيبة المعشر

يم شتل ريحان والريحان خجلان منّه

ولو يمر طرواچ بين أهل العشاير

تهتز العگل واتصير نهوّه

ولو طاح الچتيل من العشيرة

انت اتصيرين فصلة

شعجب يم المحاسن والنسب

انت دومچ ارض حرثة

وكل خايب وفگ انت اتصيرين سهمة

شگد حسافة وانت ام البيت والاولاد

والفيّ اللي احنه نگعد ابسده

انت ام جدم الذهب

انت التاج حار الصايغ بصنعة

شراع انت ويخسة من يحچي

على امنه

سالوفة سلف ومسامر النسوان

حنه انت وسعد عطرچ

وديرم للشفايف هاي زينته

يامرود كحل عيونچ وجرتهن

غار اعليچ محبوبچ وحبهن

حديثات المحلة غارن من حسنهن

واستحن يوم الصدن الهن

يارب الصنعچ

ياام الربتچ ويا ابو العندچ

يم نفس الطويل

صبرچ اكبر من بحر

عمرچ هالگضه ياخيمة سلفنه

انت بعدچ فراش وغطه النّه

گدرچ الهيبة وناموس النّه

يم روح العزيزة

شرد اسولف شرد اگولن

ياخبز تنور وموجر

وحناني زغيرة

يا مغزل وفة وبوسات

وحچايات اهلنا البيه نتغنى

مثل لهفت العطشان للناگوط يتعنه

بأذار حنينه الشعر

ولبسنه ثوب جديد

وسوينه عرس وافراح

للچاي لينه جديد

كل عام موعدنا ويّ اذار

نرفع بيه علمنا ونطالب بحگنه

حياكم زلمنا شاركونه العيد

نعرف من وگف وي المرة

وحيل ناصرهه

وحيل ناصرهه

صبري سالم فزع

23-2-2016

سيدني ...استراليا

#صبري_سالم_فزع (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات