عادل عياد
الحوار المتمدن-العدد: 5063 - 2016 / 2 / 2 - 23:35
المحور:
الادب والفن
بيغِير منك القمر
والسحاب بيزيد شقاوه
ويحب السمر
الأرض بتدور مش حسب الطبيعه
تأثير جمالك عليها
زي تأثير الخمره على البحر
البنت دي يا بشر
دوبت ملايين بجمالها
كسوف الشمس
كان بسبب شقاوتها
خلت النجوم تقع فجأه
وتفضل بس صورتها
في الفجر ..
بشوفها على البحر
بتخلع الليل من عليها
وتحوله لنور وسحر ...
مدفون جواها أسرار كتير
وعبر ألافات السنين
الناس بتتحمل غموضها
ويصبروا على الأخطار
ياما حاولوا كشف خباياها
أسرار جمالها
لحد ما وصلوا لتعدد مجراتها
ثم الانفجار ...
حبي للكون كبير
ونفسي اكون خبير
في خيالي بشوفها أجمل بنت
وبيبقى نفسي معاها
أطير ...
لو اطير في رحله للفضا جواكي
مربوط ليه بمكاني هنا براكي ؟!
والأرض اللي احنا فيها كلها
صدقيني جزء منك
أنا هخلع يأسي مني
واتفرج عليكي كأني
جنين بيكبر في حماكي ...
#عادل_عياد (هاشتاغ)
كيف تدعم-ين الحوار المتمدن واليسار والعلمانية
على الانترنت؟