لاتمدح الزلم تحتاج مذمتها

محسن لفته الجنابي
كاتب عراقي مستقل
(Mohsen Aljanaby)

الحوار المتمدن-العدد: 5006 - 2015 / 12 / 7 - 09:26
المحور: كتابات ساخرة
    

لاتمدح الزلم تحتاج مذمتها وبسبب هذا المثل العتيج أخاف على ربعنا يصير عدهم فقرات جرّاء عبادة الأصنام والردح لليسوى والمايسوى ، فإذا حصل ذلك وهو متوقع سيحتاجون للعلاج بمستشفى كولومبيا الحار والمگسّب ولازم يتسرسحون للهند دفعة واحدة ، وهناك راح تطلع باجلّايه جديدة لما يطيبون ، لأن أكيد راح يسوّون عراضات وهوسات للأطباء ومدير المستشفى وتختلف الرايات وتصير بالساريات والزين بيهم يطلع بتوثية على صلعته ، ولما يرجعون بالطيارة يتصالحون ويقدمولهم كرزات وبيره أسلامية وتتفاعل مع الهوى العذيبي القادم من قرية المكاسب وعگرگوف فياخذهم الحماس ويضربهم شرجي وراح يرجعونا للمربع الأول وهمّينه نحتاج علاج للعصب الخامس مدري السادس وراه السابع والثامن .. ألخخخ ، ونظل نفرفر بيهم كل مستشفيات الهند وأوربا وإذا أستمرت القوانه المفرغة يجوز يجي يوم نشوف طياراتنا تقبّط لساو باولو من العلاوي والنهضه لأن مستشفيات الدنيا من ورانا راح تعزّل ، ولو يرجعون لو مايرجعون بقت همّه وفلوسهم وحذاقتهم العالية جدا" .. شجاها الوادم بويه .. عم الولد لو خال البونيه حضرتك .. بيك خير ؟ , عمّر بيتك وشوف عيالك وأبني وطنك ، كافي ضحك وسفاهه وردح .. يا ربعنا!

#محسن_لفته_الجنابي (هاشتاغ)       Mohsen_Aljanaby#          

---

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات