من ضربني كفا صرت له قردا

جان نصار

الحوار المتمدن-العدد: 4761 - 2015 / 3 / 28 - 14:19
المحور: كتابات ساخرة
    

كل حياتنا نتعلم امثال واشعار تحط من قيمنا وكراممتنا.فمثلا من علمني حرفا صرت له عبدا طب ليش ما احنا منحارب العبوديه وبعدين هذا المعلم يعني بعلمنا ببلاش بدون مقابل وهيك لوجه الله, كمان مين قال ان كل المعلمين هم تربوين وبعلمونا على الاخلاق والفضيله بالاضافه الى القرأه والكتابه وبقية العلوم.
شو مع من اطعمني خبزا او لحما او من البسني بنطلونا او زرعلي قمحا او حتى خسا او اخترعلي ىحاسوبا او قدملي موبيلا او او.
امبارح شاهدت يوتيوب لضرب معلم عراقي لمجموعه من الاطفال كفوف بعدد شعر الراس .وقفهم للاولاد عفوا الاطفال صف وكانهم سيخ شوي اللحمي وبدء بصفعهم واحد ورا التاني كل واحد كفين من قاع الدست وضربة عصاي ونساهم الحليب اللي رضعته لهم امهاتهم وخربتلهم فرمتة عقولهم واعاد اليهم شعورهم بالانتماء الوطني للامه العربيه لاننا على ما يظهر عودونا ما نمشي الا بالضرب.
يقال ان الرئيس العراقي العبادي هاج هيجان مش عادي وقرر محاسبة الاعادي وضرب وقطع الايادي ونفي المعلم الى منطقة الرمادي وحرمانه من ممارسة الرياضه في النادي وخوزقته على الخازوق لانه سادي.
على فكره احسن ما يفكروا اخوتي العراقين اني بتحامل عليهم لاء يا جماعه لانه قبل مده كان في هيك يوتيوب في رامالله بفلسطين وبصراحه ما عرفنا اذا الرئيس ابومازن عرف بالموضوع وحاسب المعلم او وجهله انذار ورفعله الراتب.
اكيد ما نسينا قبل شهرين والا اكثر كمان ضرب المربي المصري للاطفال الايتام بسيناريو مشابهه او العن من ضرب الكفوف هذا للاطفال العراقين.
هاي الممارسات تمارس في مدارسنا بشكل عادي لكن لسؤ حظ بعض التربوين حدا بصورهم ولحسن حظ الاطفال والتلاميذ انه يمكن ها يمكن المعلم يتحاسب. ويمكن ما يتحاسب لان الاطفال شيبوا وجننوا للمعلم المسكين.
انا اللي مش فاهمو كيف التصوير شغال ولا المدير ولا المدرسين حتى احتجوعلى الواقعه. في مدرس كان يتفرج ويضحك وفي اصوات تعلق على سخونة الاحداث و الكفوف وحرفنة المعلم في ضربها من وراء الكوليس.
يعني مش المفروض محاسبة المعلم فقط لا بل المدير وبقية الاساتذه وجهاز التربيه والتعليم والوزير ورئيس الدوله وكاتب المقال وحتى قرائه لاننا نعاني من عقود من هاي الافات وما حدا سأل.
يمكن لو حدث هيك اعتداء بالسويد لطارت الحكومه وكل الوزراء والشعب وصارت قضيةرأي عام.اكيد مش راح يصير هيك اشي هناك و لو حدث هيك اشي بالصدفه (بالسويد) المدرس اكيد راح يكون من اصول عربيه.
ليش الاهالي ما حاسبوا المدرس وليش ما خوزقوه وكل اب وام يرجعوله الكفوف اللي ضربها لابنائهم.
عفوا نسيت اقولكم يا قرائي الاعزاء سبب ضرب الاطفال كان تغيبهم عن الدوام...والله انا لو كنت طفل وطالب وفي هيك ضرب كفوف بالمدرسه مش بس بغيب عن الدوام بغيب عنالدنيا و الحياه ويمكن اهاجر وانا بعمر السابعه او التاسعه الى هنولولو وابقوا خبروه للمعلم وقلولو وقلولو الحقيقه بكرهو من اول دقيقه....ممكن واحد يشرحليكيف الضرب شغال وواحد بصور وما بحاول يوقف ىالمعلم عند حده. اهديكم اغنية ورده مالي طب وانا مالي
مساكين الاطفال صار الواحد يقول:قم للمعلم وفيه التبجيلا ...كاد المعلم ان يكون دراكولا بدل رسولا.
مع الاعتذار لشوقي نزار لاني من الكفوف عقلي طار وبطلت اجمع بكتبة الاشعار وبخلط بالاسماء وصرت محتار هل فعلا التكرار بعلم الحمار .
واضربونا بالصغر لاننا مش بني ادمين لاننا من الحجر,وبلاش العلم بالصغر كالنقش بالحجر.
صارعنا عقد من الضرب بالمدارس وصرنا نضرب اولادنا لاننا هيك تعلمنا من ابائنا ولهيك منورثه لابنائنا..حتى بعض الاهالي الامهات والاباء بقولك منيح الضرب مفيد للاولاد ويللا خلي الاستاذ يربيه ,او نحنا مش قادرين نربي اولادنا ومش راح يموت الطفل من كف.
ومنسأل من وين جاي العقد لاجيالنا.المنهاج والتعليم على ضرب الولد البنت وهيك بتبدى المساواه واحترام المرأه في المستقبل.
ضرب احمد صديقه علي وهيك ببدء الحب والصداقه والاخوه مستقبلا.
ضرب المعلم الولد وهيك راح يتولد الكره للمعلم والعلم والمدرسه .
وعندك سرق الطالب الكتاب ونهب وكسر وخرب وقتل وهشم وحطم و و كلها افعال تحفيز وتنشيط وتعقيد.
يا عمي المعلم اللي اخلاقه ضيقه وعصبي ومزاجي ونرجسي بلاش يعلم واذا المدام بهديك الليلي رفضته او انه لم يبلي بلاء حسن في اداء واجبه الوطني او عنده مشاكل بلاش يتفشش بالتلاميذ .ارحمونا بقى.ارحموا عزيز قوم.
قال بقولك هيك مظبطه بدها هيك ختم .شو راح يطلع من اجيالنا اذا كان هذا هوالاسلوب في التعليم والتربيه .
اعترف اني اعجبت بشجاعة الاطفال وهم يتلقون الصفعات ولا واحد تحرك الكل كان يستنى دوره بخشوع وكانه سيتلقى المباركه من انامل المعلم يا سبحان الله.
اي انا اذا واحد بس رفع ايده بدو يضربني كف بقولو خود بلاد الشام كلها فلسطين وسوريا والاردن والعراق بس ما تضربني كف.
بعرف راح تقولوا عني جبان...جبان جبان ولا الله يرحموا. والهاربي تلتين المراجل.على فكره انا ما بدي احبط حدا اللي بدو يوكل كف او علقه هو حر وممكن يطرقلو بيت شعر المتنبي:
الليل والخيل والبيداء تعرفني ... والرمح والسيف والقرطاس والقلم
استاذ طلب من تلميذ اعراب هذه الجمله( على اساس انها كتير مفيده).
ضرب الاستاذ الولد
التلميذ اجاب:
ضرب:فعل اجرام
الاستاذ:من المفروض انه يعلم ويحافظ على النظام
الولد:مسكين يا حرام
وانا يا استاذ تاركك للايام يمكن ضميرك يصحى وما ينام ويتركنا بحالنا بسلام وتعلمنا وتربينا باحترام شو رايك تمام ولا مش تمام.

ملاحظه:كتبت هذا المقال لسببين الاول هو مشاهدتي يوتيوب ضرب المدرس للاطفال .
والثاني اني عوقبت وانا بعمر الستين وبعدما غزا الشيب راسي من قبل ادارة هيئة الحوار لثلاثة ايام عن التعليق ولا اعرف السبب سوى اني لربما اكتب باسم مستعار على حد قولهم.مع العلم ان عدد كبير من كتاب ومعليقي الحوار يكتبون باسماء مستعاره والله ويكيلكم اسمي الحقيقي جان والله على ما اقوله فريد عفوا مزيد او شهيد.اما موضوع اني بذئ الكلام ولربما اشتم فهذا مستحيل الا اذا فهمت لهجتي وعميتي بذلك.
اعتذر من قارئي الشيخ صفوك المحترم لان المنع والعقاب كان عند محاولتي الاجابه على تعليقك.
سامحهم يا رب بليز بليز

#جان_نصار (هاشتاغ)      

---

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات