أجيتك .. أجيت ومالگيتك

محمد جلاب البديري

الحوار المتمدن-العدد: 4626 - 2014 / 11 / 6 - 00:51
المحور: الادب والفن
    

أجيت ومالگيتك
لگيت الشوگ حصره إيغازل بطيفك
حلم ياخذ لذيذ إهواك
بطيوف العُمر من چانت بسدّك حنين
ومادريتك
تهت بيّه غريب وحاضن بروحك
جمر غُربه
ولافد يوم حنيت السوالف من كحل عينك يبرحي
وشتهيتك
مثل مايشتهي الحزن فرحه
تُمُر تْرِف بجناحهه وتحضن بروحه
وانه ناطر مالگيتك
مدري ياهو التاه مني
وشِدَه بالي .. وتهت عني
وتيهيتك
وتاهت بروحي السوالف
عفت دربي وتيهيته
وتهت لاني من ذاك الجنوب
ولاني من هذا الشمال
وچنت يمّك
ضيعّيتك
صرت أعاتب روحي ماترضه بعِتابي
ورحت يَم ذكراك أدَوُر عن حنينك
ولن الحلم ماخذني الغرامك ضيف
وبلهفات أجيتك
وشفت دگات گلبي إدگدگ إبيبان
بيتك
وجرت دمعات
تنزف من جرح عمري
وتزخ زخّات
بنسام العِشگ وتسامر الملگه بشغف بيه
دوريتك
وياملگه
الْينسيّني البُعد وشماكثر ونّه
وكل ونّه تزف ونّه
وآخ منك يابُعد
ماحسبيتك
وشفت دمعات .. تغصبني
مثل ذاك الفراگ الباگ منّه سنين حُبنه
البيه طعم ذاك الوفه الشتليته بيدي
وللأبد مابدليتك
دمعه تاخذني نهر عطشان
ويبات بجرف عينك
ودمعه تچْويني بحزنهه
من يوم إعتنيتك
ويوم الفارگيتك
أجيتك
أجيتك
أجيت ومالگيتك
مالگيتك
مالگيتك
....
..

#محمد_جلاب_البديري (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات