غامض ولا مفقود

ايهاب طلعت يوسف

الحوار المتمدن-العدد: 4418 - 2014 / 4 / 8 - 10:18
المحور: الادب والفن
    

غامض ولا مفقود
موجود ولا بحلم بوجود
هو اية معنى ومغزى الوجود
ولية اعيش ميت ولية اموت و لية ياكلنى الدود
عقلى يجاوب واومرة علية تسوق وتقود
الغموض فضيلة .. لكن الاختفاء جبن ورزيلة وجمود

يا ولاد الحلال مش طالب غير حسنة قليلة
شوية رحمة لحياة مخلوقة اصلا بالسؤال عليلة
صوت الصمت علية يرد ما باليد حيلة
تهمتى وزنبى كان اسمها فضيلة
العشرة معاها من جمالها كانت مستحيلة
عشت معاها بس الغلطة كانت ان اصل العالم رزيلة
الغموض فضيلة .. لكن الاختفاء جبن ورزيلة

مولود وراسى مزروعة فى الارض بصل زرع
زحفت وعلى الاربعة مشيت واتعلم الجحش الجرى واللبس والقلع
ينصلب طولى انسان تزرعنى الدنيا من تانى بصل زرع

هية الفكرة ومفكرانى
بكونى انسان وهية الفكرة ال مميزانى
مفروض علية صراع بالسؤال علمتنى ومعرفانى
من غير الفكرة اكيد كنت هاكون مسخوط تانى
متخانق معايا وزى ما يكون مع نفسى ساكن تانى انانى
نفس العداوة مع نفسى كل العالم واقف ضدى والدنيا كلها معندانى
ااقولها بحبك تقولى ارقصلى ورقصنى وانسانك اهجر وانسانى
مجنونة ومجننانى
مسحورة وسحرانى
حتى من نفسى عن نفسى خطفانى مشردانى

غامض ولا مفقود
موجود ولا بحلم بوجود
هو اية معنى ومغزى الوجود
ولية اعيش ميت ولية اموت و لية ياكلنى الدود
عقلى يجاوب واومرة علية تسوق وتقود
الغموض فضيلة .. لكن الاختفاء جبن ورزيلة وجمود

#ايهاب_طلعت_يوسف (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات