كلام فارغ !!

مينا امين

الحوار المتمدن-العدد: 4362 - 2014 / 2 / 11 - 15:09
المحور: كتابات ساخرة
    

اعزائى القراء اسمحوا لى ان استعرض امامكم بعض من الكلمات الفارغة والجمل الهشه والمنطق الميت الذى يستخدمه البعض ويروج له على انه صدق مجيد

لما تنادى بالحريه وانت اول الكافرين بيها يبقى كلام فارغ
لما تهتف بالعداله وانت شغال بالوسطه والكوسة !! يبقى كلام فارغ
لما تقول الثورة فين وانت اول من تاجروا بيها يبقى كلام فارغ
لما تقولى هعمل وهعمل وفى الاخر متعملش لو صدقناك تانى يبقى كلام فارغ
لما تكتب كلمتين بدون معنى وييجى كام واحد من اصحابك اللى ملهمش معنى يعمل لايك وشير وتقولى ناشط سياسى يبقى كلام فارغ
لما تقول الدوله ظالمه ومفتريه عشان بتواجه البلطجيه يبقى كلام فارغ
لما تتكلم ضد الدوله البوليسيه وانت فى يوم تحالفت معاها يبقى كلام فارغ
لما تهاجم كل واحد خالفك رأيك يبقى كلام فارغ
لما متعرفش تفرق بين حالة ثورية وبين ثوارات كل شويه يبقى كلام فارغ
لما تقعد تتفرج وتتابع من بعيد وتنادى بالعمل والتقدم يبقى كلام فارغ
لما تفرق بين البنت والولد لمجرد انها اتخلقت بنت ونصيبها كده يبقى كلام فارغ
لما الناس تحب حد لكن ترفض اى حد ميحبوش وتهاجمه يبقى كلام فارغ
لما تقولى الحريه يعنى تشتم بس وتهاجم وتلعن يبقى كلام فارغ
لما خلاف سياسى يتحول لموت ودم يبقى كلام فارغ
لما عشان احقق الاستقرار اظلم ناس فى السكه يبقى كلام فارغ
لما تنادى بالثوره وانت امبارح اتبرأت منها يبقى كلام فارغ
لما تنكر حقيقه واقعه وتكلمنى عن افلام من خيالك المريض يبقى كلام فارغ
لما تخاف من بكره لمجرد انك متعرفش مخبى ايه يبقى كلام فارغ
لما نسيب وطن مجروح ينهار ونقطع فى بعض يبقى كلام فارغ
والف لما ولما والف جمله وجمله وللأسف مازال هناك من يصدقون ويعشقون الكلام الفارغ

#مينا_امين (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات