أخذ كلشي ونساني الجان صاحب

صفاء علي الدوري

الحوار المتمدن-العدد: 4284 - 2013 / 11 / 23 - 11:32
المحور: الادب والفن
    

أخذ كلشي ونساني الجان صاحب
سكته أبلا سبب هالكَلب جافيته

ألك وسط الدليــل اهواي رصعات
وتالي الزاد وســفه هيج جازيته

صوغتك شعر مــن عيني دمعات
عهد بيني وبيــــنك وين وديته؟

وأيام وليالي ويــاك من همسات
وهذا الينبض بصدري بيك وصيته

كتلة يكلبي أمــانة أبد لا تنساه
هذا أبن الكَلب بالــــــروح داريته

شجالك وشجرالك وغيرك يازين
وسط ملة الانـــذل كلبي خليته

عهد مني توقع صــغته بالأشعار
ولأعيونك الحـــلوة أكتاب خطيته

تضحك بوجهي تزيح ياما اهموم
يغالي شغيّـــرك والجدم كفيته

يالساكن بنـــص العين ماأنساك
وتظل بية وشــــم للموت جريته

وتظل أنت الوحيد الســاكن الروح
ملاك بنص دليلي اسكوت حبيته

لا تبــــعد علي ياصـاحبي أترجاك
تراك أنت الوحيــد بصدري ضميته
ـــــــــــــــــــــــــــــــــــــــــــــ
صفاء الدوري
2013/11/23

#صفاء_علي_الدوري (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات