قصيدة عاشق

جمال الشرقاوى

الحوار المتمدن-العدد: 3902 - 2012 / 11 / 5 - 21:18
المحور: الادب والفن
    

و الحزن جَىِّ بيتنا ليه
ليه هو عايز منا إيه
مين اداله عنوان بيتنا
إوعى ي قلب نشتريه
كفاية إنه فاتنا و راح
بعد م خد منا الأفراح
منه الدموع عرفت طريقنا
و الشك يـ قلبى له ألف جناح
و الحزن جَىِّ بيتنا ليه
ليه هو عايز منا إيه
و مهما يرجع مش هجيله
لا يناديلى و لا أناديله
دنا قربت انساله جرحه
إن سَبْنِى قلبى أه يـ ويله
و ان شكىَ لنا طول لياليه
أو كان هيقولنا على أعذاره
إيَّاك يـ قلبى تحن عليه
و لو م تعرف جنته ناره
و الحزن جَىِّ بيتنا ليه
ليه هو عايز منا إيه
مين اداله عنوان بيتنا
إوعىَ يـ قلب نشتريه
روح حب غيره سيب أيامه
يا للى جُوَّاك حب قايد
خلى الدنيا تاخُد حبك
تاخُد شوق من بعدك زايد
الوجود مشتاق لحنانك
لهمسة صوتك كل زمان
إعشق كل شيء ف عمرك
فيه وفاء و جمال وأمان
والحزن جَىِّ بيتنا ليه
ليه هو عايز منا ايه
مين اداله عنوان بيتنا
إوعى يـ قلب نشتريه

#جمال_الشرقاوى (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات