صفحات من تأريخ العراق

جواد القابجي

الحوار المتمدن-العدد: 3549 - 2011 / 11 / 17 - 11:40
المحور: الادب والفن
    

للتاريخ أسأل ؟؟
والجواب انريده .. من أعدائنه
إلعُمره سبع تالاف ..!!!
إيضيع ابسنه ..؟؟؟؟؟؟؟؟؟؟
***********
آخر زمن تتطاول !!
إلبعران .. ضد إعراقنه
ويعرفون هُمَّه اوغيرهم
للضيم .. منطخ راسنه
يجي يوم اوتنفضح
هاي الرؤوس الخائنه
وتنكشف عوراتهم
ونداوي جرحك ياوطن .. بجروحنه
***************
تتنومس اعلينه الذي
حفّاي چانت بالأمس
بوجوه صفره امزورگه ..
او چنها مِدس ..
ايلّوح بصابيعه الغبي
اللي بالأمس .. باع القُدس
مايدري منخاف الجرابيع
اونطهِّر كل دنس من أرضــــــــــــــنه
*****************
حاولوا .. صِرفوا ..
رادوا التقسيم لعراقي الأبي
مافاد .. كلما حاولوا ..
باعوا سواد عيونهم .. للأجنبي ..
ردّوا تخط رجلينهم .. حسره او بچی ..
او ميناءهُم خل ينبني ..
اوَّل اوتالي .. ايرد لـنــــــــــــــــــــــــــــــــا ..
*****************
إليوم صعبه او خل تُمر ..
بس باچر اشلون الأمُر ..
مو إنتوا بس !!
خل تسمع الجيران ..
ملِّينه الصَبُر ..
جبهة تآمُر عالوطن ..
ملَّينه أحقاد .. وغدُر ..
والضيم منكم .. أبد مو من أجنبي ..
إلخطَر .. من جيرانّنه ..
اوباچر .. ملايين ابن قاسم .. عِندِنا ..
) إلعُمره .. سبع تالاف .. ميضيع إبسنه .. )
**************************

#جواد_القابجي (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات