اصلها ..... بيبسى

هانى صموئيل

الحوار المتمدن-العدد: 3548 - 2011 / 11 / 16 - 17:19
المحور: كتابات ساخرة
    

اصلها ..... يبسى

لما ..... تلاقى ثورة قامت عشان الحرية , الكرامة , العدالة الاجتماعية .... فتلاقى النتيجة هى محاكمان لشباب قال رايه فيحاكم محاكمات عسكرية وتلاقى اللى قتل , نهب , سرق , فسد محاكمات مدنية .........!!!!!؟؟؟؟؟؟؟؟؟؟؟

لما ..... تلاقى النخبة المصرية مجموعة اشخاص عاملين زى القرود بينطوا من برنامج لبرنامج فى التلفزيون وكلامهم على حسب اتجاه البرنامج مرة ... ومرة ,,,,,, !!!!!!!

لما ..... تلاقى ان القدوة والشخصيات العامة واللى يتبعها كثير من الشباب وهم المثل الاعلى وهم من يشكلون الذوق العام واصحاب تاثير زى (( شعبان عبد الرحيم وابو الليف وهيفاء و ريكو و .......................................... الخ )).....!!!!!!!!!


لما ...... تلاقى عربيات الزبالة بتشيل الزبالة . وهى ماشية فى الطريق الزبالة بتقع منها فى الشارع تانى , فيجي عامل النظافة ويشيلها , وتيجى عربية الزبالة تشيلها فتقع منها فى الطريق ............ واهى دايرة مقفولة !!!!!!!!!! الزبال يشيل والعربية توقع !!!!!!

لما ......تلاقى كل البرامج والافلام والمسلسلات حاجات مسفة وهابطة وبجد حاجة تقرف

لما ...... تيجى تسمع الاخبار فبتسمع وانت شاكك .. اصله من االخبرة معروف ان 99.9 % من الاخبار مش مظبوطة !!!!!!1 صدقنى بجد .

لما ...... تلاقى الدكتور اللى بيدرسلك فى الكلية ... اسلوبه شوارعى وهو نفسه مش فاهم .. اهو حافظ كلمتين بيدشهم وخلاص

لما ...... تلاقى الطالب قاعد نايم فى المحاضرة وبيشخر ..(( دا الطبيعى ))

لما ...... تلاقى ثورة قامت فتلاقى زعمائها اكتر من اللى قاموا بيها وتلاقيها 100 ائتلاف على 100 حزب على 100 اتجاه و.......... وكل واحد بيتكلم باسم الشعب

لما ...... تمشى فى الشارع فتحس انك قرفان من نفسك والناس والدنيا

لما ..... تبطل تحلم , لانك مش حاسس انه فى حاجة هتحصل

لما ..... تقوم بثورة فتتسرق منك وتاخد على دماغك

لما ..... تلاقى المثقف مش فاهم حاجة اصلاً

لما ...... تلاقى فى الانتخابات الدكتور مرشح على انه فلاح والمهندس والمستشار على انه عامل ... (( ماصلوا هى بيبسى !)))

لما ..... تقرأ الكلام دا وتقرف

اعرف انك بتعيش وسط الشعب المصرى
اللى واضح انه داخلين على ايام سودة
واللى هيقودنا فيها ناس من القرن ال 13 قبل الميلاد
فشدوا الحزام وحاول تتأقلم مع البيئة الجاية .
وسيبها على ربنا .



م . هانى صموئيل

#هانى_صموئيل (هاشتاغ)      

---

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات