رحيم الغالبي
الحوار المتمدن-العدد: 2952 - 2010 / 3 / 22 - 16:43
المحور:
الادب والفن
=1 =
كال اعمى :
ارسملي صوره..
اتعجبت...!!
من رسمت الصوره
كلي :فتشت
كتله اشلون ؟؟كلي من شفتها
كال : الخير اجاك ..بس غشيم ..وفلّشت
= 2 =
احبك ياوطن مجروح...؟
احضنك ياوطن بالروح
احبك ياوطن ...
باب اعله ياوطن مفتوح
ابعيد المرأه
كصايبها حمامات اعله السطوح
تطير اويه الشمس
كتلك :
التاسع بآذار اعيّد...؟
كتلي ؛ روووح
= 3 =
واحنه ازغار
نرسم
نكتب
عالحيطان ، احروف الطين
نكتب
واحد زائد واحد
بس انسينه انحط اثنين....!!
وصارت .. غلطتنه من اسنين
= 4 =
حبيبي...
حلو ومر مثل الحقيقه
ضحكته اعله الكاع طاحت....
خضّرت كلها حديقه..!!
= 5 =
امدوهنه ..ردذت المهره لهلنه امدوهنه
يلي صار اسمك مسافه
من اول اعيون البجي..
لاخر اشفاف الغنه
كون اشيل ا شباط * من كل السنه
1985
#رحيم_الغالبي (هاشتاغ)
كيف تدعم-ين الحوار المتمدن واليسار والعلمانية
على الانترنت؟