هلوسة

ويصا البنا
مقدم برامج _ اعلامى _كاتب - مشير اسرى -قانوني
(Wisa Elbana)

الحوار المتمدن-العدد: 2203 - 2008 / 2 / 26 - 02:04
المحور: كتابات ساخرة
    

بعد عطل الانترنت والكابل قال الوزير في تعويض شهر مجانا للمشتركين لكن أصحاب الشركات المقدمة للخدمة قالوا ادفعوا الشهر ده وبعدين نبقى نخصم شهر بعد ما الكابل يتصلح وبعد ما دفعنا الرسوم المسيئة للشركات قالوا الكاميرا الخفية وامك في العش ولا طارت عادى طلع وزير التضامن في البرنامج قال أنة اى فرن ممكن تلاقى قدامها 7او8 واقفين طابور ونسى الصفر اللي قدامهم واية يعنى لما المنتخب يروح يشحت في الخليج زيادة الخير خريين المهم شيخ الجامع اللي جنبنا ملوش سيرة غير ابو تريكة اللي علم الفريق السجود والركوع على كل هدف واللي حرر غزة طيب ما فلسطين كانت عايزة تحتل مصر بس الغريب ان منظمات حقوق الإنسان هتوقف مع الداخلية في قضية النصح والإرشاد ضد نجيب طبيعي جدا إن الناس تثور علشان الغلاء في الأسعار حتى لو منعوا المظاهرات في المساجد والكنايس مش دي المشكلة المشكلة إن الأمن كان واقف والستات بيضربوا فى حلوان طيب كل واحد يمنع مراتة تخرج لان الشكوى لغير الله مذلة ما رهبان دير ابو فانا شكو لطوب الأرض ولا في سور ولا قرارات دي نوع من أنواع الصابون الفاخر وتهدئة الأمور لان عمال المحلة الظاهر مش هيجبوها البر وناويين يعتصموا ويبهدلوا الدنيا بس اكيد الحكومة وراها سر في الموافقة إنهم يرفعوا كادر الأطباء فجاءة بعد الرفض لان وزير التعليم مش عارف يعمل اية مع الشكوى بتاعة هالة طلعت محمد فى إدارة الوراق التعليمية لأنها مش لابسة حجاب تبقى مش محترمة ولبسها غير لائف حاجة غريبة فعلا الأغنية الجديدة اللي بتوصف المصريين بالشحاتين طيب ما الخليج كلة بيغنى علينا من زمان والمصريين ملهمش اى كرامة في دولة عربية اية الجديد يعنى ما طول عمرهم بيقولوا أنهم هيرفعوا الاجور ويرجعوا في كلامهم دة نوع من أنواع البركة الاقتصادية القمر الصناعي المصري هتبقى ادارتة في مصر يا مسهل يارب نلحق بسرعة قبل ما تستقل كل قرية وتقول إحنا أعلنا الاستقلال عن البلد وهنبقى دولة مستقلة بذاتها وعندنا سفراء من القرى المجاورة هو فى اية ؟

#ويصا_البنا (هاشتاغ)       Wisa_Elbana#          

---

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات