وطن مرفوع الجبين

خلدون جاويد

الحوار المتمدن-العدد: 1944 - 2007 / 6 / 12 - 10:41
المحور: الادب والفن
    

صامدين وصابرينْ
على جور الظالمينْ
وبرغم فُرْقه وشِقاقْ
تبقى صامد ياعراقْ
وطنْ مرفوع الجبينْ

*******

انت يلْ وَرْدَه بْرمادْ
ازدهرْ رغم السوادْ
الفجرْ مفتاحَه بيدَكْ
والتحررْ يومْ عيدكْ
وانتَ بشرى لكلْ سجينْ

*******

ليش عنّكْ هَجّرونهْ
وانت أ ُمْنَه وانتَ ابونه
وانت عطر الامهات
ونهر بعيون البنات
ووطن كل العاشقينْ

*******

اشما وطنّه ابتعدْ عنّهْ
بُعْده حُب ْ، ونارَهْ جنّهْ
الوطن غالي لو خرابهْ
كَلبي من ميّه وترابهْ .
واغلى من الذهب ، طين !

*******

بيتي لو حرموني منّه
ودمعي ساح وجرحي غنّه
تِظلْ بِيْهْ امْعَلْكَهْ روحي
ياحمامه ظلّي نوحي
بلا وطن ْيحْله الونين

*******

طال بغداد الغيابْ
بعد عينج شيبي شابْ
والوطن لازمْ انْجيبَهْ
و" كلمن يردّه حليبهْ "
مهما فرْكَتْنَهْ السنينْ

*******

احنه مَرْجعْنَه لوطنهْ
الفرات ودجله اهلنهْ
ارواحنا جوكَة ْ اطيورْ
علْ الشواطي وعلْ الجسورْ
وعلى بغداد الحنينْ

*******

ياشمسْ دار السلامْ
رفرفي بغصن السلامْ
ز ِرْعي شتلات المَحَنّهْ
يكفي تجري دموع اهلنهْ
صيري بسمه لكل حزينْ

*******

ياعراق العِطِرْ روحكْ
والور ِدْ باقة جْروحكْ
انت ويه الشمِسْ باق ِ
ونخلك ومَيّكْ عراقي
والار ِضْ للكادحينْ

*******

#خلدون_جاويد (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات