عايز اكون حيوان

نورا فريد ميخائيل

الحوار المتمدن-العدد: 8269 - 2025 / 3 / 2 - 02:20
المحور: الادب والفن
    

أيوه صح هو
اللي سمعته تمام
نفسي اكون حيوان
بدي أغير جلدي
كرهت كنيه إنسان

البعض جايز يضحك
ويقول حصل ايه
هو احنا ناقصنا جنان

لو فكرنا حيوان دي شتيمه
يبقي وقعنا ف خيبه عظيمه

قبل ماتصدروا حكم عليا
ركزوا ياجماعه ف كلامي شويه
هتشوفوا أزاي
الانسان بقي أستاذ
يتعلم منه التعبان والحيه
والذئب طيب غلبان
قدام ناس
معجونه لودانها أذيه

بالذمه حد ف يوم
شاف حيوان بيطرد أمه
علشان عشه أو حبه قش
ف حين أنسان يقتل كل حبايبه
علشان ورثه أو حبه عفش

شفتوا ف يوم حيوان
بيكسٌر عشه او يقلب وشه
وحيوان تاني بسهوله يغشه
عشان نقديه وأكله كرش


و الانسان ممكن يحسد غيره
علشان هدمه و شويه مش

شفتوا الكلب أزاي وفي لاحبابه
و الأسد جه يوم وقتل حارس بابه
واذا عملها مش هتقولوا
ده حيوان له اسبابه

اما البني آدم عادي بقي بيعض
الايد اللي اتمدتله
واللي كتيررر م الخير
ياما وياما ادتله

هل شفنا للحيوان
قبيله قامت علي قبيله
وعملت حرب
شفتوا ف يوم مثلا الأفيال
راحت للخرفان
ونزلت فيهم ضرب
عارفين الانسان من يومه
عمل كام حرب وكرب
وصنع نووي وسلاح
وف لحم ودم اخواته
نازل اكل وشرب

شفتوا ف يوم حيوان
لوليفته هجر أو خان
علشان شهوه أو نزوه
ممكن بسهوله يقتل
ويخش لومان

تفتكروا أيه الأسباب
اللي تخلي الإنسان
ينزل لأسفل درجه
وتوصل بيه أفعاله
لأسوء منطقه حرجه

يكونش العقل
بس أزاي
دا ربك خلق العقل
وميزه بيه
وعن الحيوان المفروض
يرفعه ويرقيه

لو قلت السبب الدين
هيقولوا دا شكله أتجن
ومكانه مستشفي المجانين

بس ياريت قبل ماتصدروا حكم عليا
ركزوا ياجماعه ف كلامي بس شويه

هتشوفوا ازاي الحيوان
بقي ارقي واسعد من كذا انسان
حياتهم حرب وكيد وعذاب
برغم اي تقدم وحتي
ف وجود احباب

والي معاه تفسير أو أسباب
يلحقني قبل اروح لأحدهم
يمكن يقدر يسخطني
قطه أو سحليه أو حتي غراب
وساعتها
لا هعول هم لبكره
ولا هحسد غيري علي فكره
وأن جاني الموت
لاهخاف من نار ..ولا أي عقاب

#نورا_فريد_ميخائيل (هاشتاغ)      

---

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات