شو ..مفكرين يعني؟؟

شكري شيخاني

الحوار المتمدن-العدد: 8207 - 2024 / 12 / 30 - 10:39
المحور: مواضيع وابحاث سياسية
    

بلد خربانه، مدمره اقتصاديا سياسيا اجتماعيا نفسيا انسانيا. شو متوقعين يعني، يكون في شيء عصا سحريه . خلال شهر يكون كل شيء مثل ما بدنا يصير. نرجع بنقول نحن صبرنا مو كيفنا، صبرنا اجباري عنا لمده 55 سنه ، انذلينا..انقهرنا ..وهلكت نفسيتنا. واعصابنا .. خلينا نصبر بكيفنا على الاقل ثلاثه اشهر، ونحن شايفين بعيوننا في شغلات ايجابيه كثير عم تصير على الارض. انا واحد من الناس اللي متفائل من يوم 27/11 .. انه في تغيير، وتغيير كبير راح يصير لصالح الشعب بسوريا، خلينا نوقف الردح والانتقاد اللي ماله لزوم نهائيا، خلينا نوقف كل الشغلات اللي كنا مو قادرين نعبر عنها ،لانه ما كنا مقدرانين نحكي فيها
13 سنه ونحن ما قدرنا نشيل الاسد وشفنا كيف زحط ب 10 ايام بهمة رجال الاداره الجديده .13 سنه ما قدرنا نعمل مؤتمر وطني جامع لكل السوريين. مع انه موجود احزاب وهيئات وحركات سياسية وشخصيات مستقلة .. وسوتشي وموتشي واستانة وفنادق استنبول .. وهلأ خلال شهر راح ينعقد مؤتمر وطني. في اربعه او خمسه كانون الثاني اول السنه خلال 13 سنه ما قدرنا ندخل لبلدنا لا فرنسي ولا بريطاني ولا امريكي ولا سعودي ولا اي حدا ثاني لانه كانت محاصره البلد ،وخلال 20 يوم دخلوا كل هالوفود لسوريا
خلينا نكون منطقيين خلينا نكون عقلانيين ونقول يا رب نرجع سوريا حره قويه ..بس خلونا نوقف الردح ،وخلي النوح والنقد. على الفاضي والعمليات .
في فئه معينه خليها توقف ....

#شكري_شيخاني (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات