|
الفصل الخامس مسرحية عدو المسيح المثيرة للجدل
ماريو أنور
الحوار المتمدن-العدد: 1786 - 2007 / 1 / 5 - 12:00
المحور:
الادب والفن
الفصل السابع التجربة على الجبل ( يفتح المسرح على يسوع يداعب الأشجار ثم يجلس على التراب ويتأمل في هذه الأشجار ) * يظهر رجلاً ماراً - ن1 / ( تضرع ) يا ابني ... ممكن شوية آكل .. أنا جعان خالص .. وتعبان قوي ... بقالي يومين ما آكلتش. - يسوع / بس ... أنا معيش آكل (باعتذار) - ن1 / آه طاب اعمل إيه دلوقتي ... أنا تعبان قوي من الجوع ... طاب ممكن أستريح جنبك شوية ... على الأقل نسلى بعض . - يسوع / ( بسرعة ) أتفضل .... تعال أستريح مكاني . - ن1 / ( يتأمله ) أنت اسمك إيه يا بني ... شكلك مش غريب عليا ... وإيه اللي جابك في المكان داه . - يسوع / إنا جيت أستريح شوية .. وأعد لوحدي - ن1 / ( استغراب ) في المكان داه .. طاب أعد في مكان تأني .. مش الصحراء ... وبقالك قد إيه هنا. - يسوع / أربعين يوم . - ن1 / (ذهول ) إيه أزاي .... وبتآكل من فين. - يسوع / على حسب الظروف ... أحياناً بأنزل كل يومين ... و أحضر ما يكفيني . - ن1 / ودا كل قد أية - يسوع / كل يومين ثلاثة .. - ن1 / (ذهول ) مستحيل ... دا أنا بقالي يومين وبطني هتموتني . - يسوع / أنا برده جعان .. وناوي أنزل آكل - ن1 / ( يتضرع ) ياريت وهتلى معاك شوية أكل ... دا أنا هاموت من الجوع . - يسوع / أكيد هاجبلك معايا أكل ... صدقني أنا حاسس بيك قوي . - ن1 / ما قولتليش يا بني أنت أسمك إيه . - يسوع / اسمي يسوع يوسف - ن1 / ( دهشة ) هو أنت يسوع ... أنت . - يسوع / ( استغراب ) أيوة .... أنا يسوع - ن1 / ( فرحة ) الحمد الله .. أنا كان نفسي أشوفك من زمان ... أنا سمعت عنك كثير . - يسوع / الحمد الله ... وأنا قدامك زى ما أنت أتمنيت . - ن1 / ( دهشة ) أنت يسوع اللي بتشفي المرض وتعمل معجزات ... والحاجات دي كلها . - يسوع / وبحاول أعمل أكثر من كدة ... وعايز أشيل أي آلم عن الإنسان . - ن1 / طاب ... طول ما أنت جبار وقوي كدة ... ما تحولنا الحجارة اللي جنبنا دي وخليها أكل ... على الأقل نشبع جوعنا أنا و أنت .... وبصراحة نفسي أنا كمان أشوف قوتك زى ما بيقولوا الناس عنك * ينظر المسيح إليه مفكراً ومتأملاً إياه دون كلام - ن1 / إيه ... ما ردتش عليا .. يالا واريني انك نبي ... برهن لي على نبوتك اللي بيتكلموا عنها ... على الأقل .. أنت بقالك يومين ما آكلتش .. أكل نفسك وأكلني معاك . • ينظر إليه المسيح مجدداً دون كلام (موسيقى قوية) - ن1 / أنت مش بتقول أنك عايز تشيل الألم عن الإنسان ... أنا أهه قدامك جعان ... بطني وجعاني مئلماني ... حول الحجارة لخبز وشيل عني الألم ... وأوعدك هاقول للناس كلها بالى عملته ... عشان يصدقوك ويمشوا ورآك ... قولت إيه .... رد عليا - يسوع / أنا مش جاى أستعبد الإنسان بالأكل . - ن1 / آه ... أعملهم عليا ... أنتا فاكرني زى الناس الباقية ... هصدقك واترمي تحت رجلك ... لا ... لا ... أثبتلي أنك ابن الله .... وريني ... حولها ... وألا صعبه عليك - يسوع / لا .... مش هاحولها ... أنا مش جاى آكل الناس خبز ... أنا جاى أكلهم حاجة تأني .... حاجة عمرك ما تفهمها . - ن1 / وإيه هيا بقى . - يسوع / الحب - ن1 / اسكت .... أنا مش فاضي للكلام داه .... أنا ماشي خلاص .... أنا مش فاضي للحواديت دية ... أنا جعان تقلي حب .... أنا هاعد مع اللي يأكلني ... هو دا اللي بيخاف عليا بجد ... مش اللي يجوعني . • يترك المسيح مستهتراً ، ويستمر المسيح في مداعبة الطبيعة (حزيناً جداً . يمر شخص آخر إليه باستغراب ) - ن2 / ( متأملاً ) أنت يسوع ... صح - يسوع / أيوة ... أنا هو - ن2 / أنت هنا ... وأنا بدور عليك - يسوع / بتدور عليا (باستغراب) - ن2 / طبعاً أمال هدور على مين غيرك ... أخيراً ( بألم ) - يسوع / ( قلق ) مالك... أنت شكلك تعبان - ن2 / فعلاً أنا تعبان خالص ... أنت فعلاً حساس جداً - يسوع / في إيه ... ممكن أريحك ؟ - ن2 / ( بألم ) أنا أبني بقاله سبع شهور تعبان جداً .... ومش عارف أعمله إيه - يسوع / هو مريض - ن2 / أيوة بمرض غريب ..... و ودناه للطبيب والعراف والشافي .... وألا حاجة قدرة تشفيه .... هتجنن .... هموت مش قادر أعمله حاجة .... بشوفوا قدامي ومش قادر أعمله حاجة - يسوع / أطلب من ربنا أنه يشفي - ن2 / ومين قالك أنى ماطلبتش ... طلبت من الله أن يشيل عقابه عنى ... بس أنا سمعت عنك انك بتعمل معجزات وبتشفي الناس ... ومن ساعتها وأنا بدور عليك ... أرجوك تعالاً ... تعالاً أشفيه ... أنا محتجالك ... أرجوك ..... - يسوع / الله ما بيعاقبش الإنسان .... بالعكس دا بيتألم معاه .( حزن ) - ن2 / ( بسخرية ) بيتألم مع الإنسان .... أنت بتقول إيه دا الله هو المسئول عن كل حاجه بتحصلنا من شر وخير . - يسوع / الله مش متناقض .... الله .. (بحزن ) بيحب والحب ما فهوش ضرر للمحبوب - ن2 / ( بسخرية ) يا سيد دي أمور العلماء و الكهنة ... هو دا الكلام اللي بنسمعه ونتعلمه منهم . - يسوع / ( بألم و همس ) طرقي غير طرقكم و أفكاري غير أفكاركم - ن2 / يا سيد لنترك هذه الأشياء .... فلها رجالها ... أرجك أنقذ أبنى . - يسوع / ( بألم ) لأزم تفهم أن الله بيحارب الألم و الموت مش بيديهم للبشر ( بابتسامة ) يالا بينا ... أنا جاى معاك أعلمكم تحاربوهم معايا . - ن2 / بجد ... شكراً ... شكراً ... ( يتوقف و يفكر ) بس فيه مشكلة ... أنا متأكد أنها سهلة عليك . - يسوع / إيه هيا - ن2 / البيت بعيد .. وأنا خايف أن لغاية ما نروح هناك ابني يموت ... وساعتها أنا ممكن أموت ورآه ( بخوف ). - يسوع / ما تقلقش ... أنا جاى معاك - ن2 / لا ... لا... أنا عارف ابني تعبان ازاى ... (يفكر) . طاب ها قولك حاجة ... بما أنك نبي وابن الله زى ما الناس بتقول عنك ... ما تنط من الجبل و أكيد ساعتها الملائكة ها تشيلك لغاية ما توصل للأرض .. وساعتها تخدنى معاك ... وكدة أكيد هتلحق ابني ومش هايموت ... وساعتها برده الناس كلها تشوفك وها تؤمن بيك وتمشي ورآك ... بدل ماتكلمهم وتتعب نفسك معاهم . - يسوع / بس أنا مش جاى عشان أبهر الناس بالمعجزات , وأقنعهم بيها ... الله لا يستخدم القدرة لإجبار الناس على أتباعه أياً كان بمعجزات أو بوعد بجهنم لمن ليس معه - ن2 / (يضحك) ... وهو أنت ألآله - يسوع / اللي رآني ... رأى الله كما هو . - ن2 / آه .... أنا عارفك كويس ... بس مش المهم أنا ... المهم هما يصدقوك ... وألا إيه... أوعدك قبل ما تمشي ... أنى هساعدك في رسالتك .... بس هدفك هدمه ... أنت عايزهم يعرفوا أنت مين ... أوعدك ها عرفهم بيك ... بيسوع الإنسان .... لكن ألوهيتك لا ....هشككهم فيها وأخليهم ينكروها . - يسوع / أنا جاى أخلى الإنسان إله .... مش برسالة بس لا كمان بشخص الإنسان ... ورسالتي .... بسيطة .... خفيفة ... مهما عملت اى إنسان هيشيلها ... المهم ....أنه يفهمها . - ن2 / فهمها أو مفهمها ش ... أنا اللي قاعدله .... عشان أفهمها له ... بس بطرقتي أنا ... سلام يا الله . (سخرية ) • يستمر المسيح بالتأمل في الطبيعة لكن في شئ أكثر من الحزن . - يسوع / ( حزن ) الإنسان ممكن في الآخر يفهمنيش ... ما يفهمش الحب ... يا رب أحيي إن مشيئتك في قلوبنا . • يمر شخصين يقوموا بفرش سجادة للمرور عليها شخص ما - الخدم / أتفضل أيها الملك ... أحنا مستعدين - يمر هنا الشخص متأملاً في يسوع باستغراب - ن3 / إيه داه ... أنت بتعمل إيه هنا ... ( متأملاً ) إيه داه دا أنت يسوع ... صح ؟ - يسوع / أيوة هو أنا - ن 3 / وإيه اللي جابك هنا - يسوع / جيت أبدأ مع ذاتي ... قبل ما أبدأ للعالم - ن 3 / أنت بتتكلم كلا صعب ليه - يسوع / لازم يكون عندي الحب الأول ... عشان أحب الناس ... والحب عمره ما يظهر غير لما أحب نفسي ... وبعدين أبدأ في زرعه في الناس . - ن3 / وهيا الحاجات دي تأكل عيش ......... حب .......... وكلام فاضي - يسوع / أمال إيه المهم - ن3 / ( بقوة ) السلطة ...... المال - يسوع / مش مهم دول بدون حب - ن3 / حب ... ودي كلمه تجيب فلوس وألا سلطة ......... - يسوع / كتير حاولوا ... ملوك ، سلاطين ... يمتلكوا قلوب الناس بفلوسهم والسلطة ... حاولوا يجبروهم ... ما قدروش ... عارف ليه - ن3 / ليه - يسوع / لأن الحب أصعب من الفلوس ... وأنا عايز الحب ( القلب) ... مش الفلوس ... لو قدرة تملك القلوب ممكن تأسس .....إمبراطورية مبنية على الحب ... لأن القلب هو حياة الإنسان .... إما سلطة دون حب .... ستتلاشى عند اصطدامها بالقلب - ن3 / بس .. بس .. بلاش كلام فارغ ... أنت إيه اللي فهمك اسألني أنا ... أي حد ممكن تشتريه بالفلوس حتى الولاء . - يسوع / بس مش الحب - ن3 / صدقني الفلوس نفسها ممكن تغير القلوب - يسوع / وترجع تأنى بدون فلوس - ن3 / مش لازم ... المهم غيرتها ....(يفكر) وأنت بتعمل إيه هنا ... بتعذب نفسك عشان ناس أنت عارف أنهم مش ها يقدروك - يسوع / الحب مش مستني مقابل ... المهم أنى أشوفهم مبسوطين .. وفي يوم أكيد هيفهموني . - ن3 / دا كلام فارغ ... دي ناس مش عايزة تفكر .. لأنها لو فكرت كانت في حاجات كتير ممكن أتغيرة . ومشينا أسعد ... بس هما فارحنين كده ... فارحنين لما يوقفوا مخهم وبالتالي هيأثر على قلبهم لأن الجسم وحده .... العقل والقلب مرتبطين مش متباعدين .... وأي واحد منهم دون التاني فاشل ... وهما موقفين مخهم ... ومعتمدين على قلبهم ... مع أن عقلهم هو كشاف قلبهم. - يسوع / أنا متأكد أنهم ها يتغيروا ولو بعد حين ... أنا صبور مش مستعجل على ملكوتي أنا منتظر كل واحد فيهم في أي وقت . - ن3 / يبقى هتستنا كتير ... المهم أنا عندي عرض ليك - يسوع / عرض إيه (استغراب) - ن3 / إيه رأيك سيبك من موضوع الحب داه ... وتعال اشتغل معايا ... وحدد يا سيدي المبلغ الله عايزه ... 10 ، 20 ، 30 درهم براحتك .. وألا أقلك ... اختار اللي أنت عايزه من أراضي ... بيوت كلها قدامك ... أختار اللي أنت عايزه ... شوف دا كله عشان حاجة بسيطة جداً ... ها تشتغل عندي ... وتسيبك من رسالتك اللي مش هتأكل عيش . - يسوع / ودا كله عشان اشتغل عندك بس - ن3 / آه .. وهاشغلك كمان في بيتي أنا تدير أملاكي وممتلكاتي ... وتسليني طبعاً لما أكون زعلان ... ها ... قولت إيه . - يسوع / للرب إلهك تسجد ، وإياه وحده تعبد " مكتوب عندك في الكتاب " - ن3 / دي فرصة يا حبيبي .. أسمع كلامي أوعى تضيعها - يسوع / أنا قلتلك أنا مجتش أدور على الفلوس ... أنا جاى عشان القلوب - ن3 / يعني ما فيش فايدة - يسوع / للرب وحده تعبد - ن3 / أنا قلت أنت مش وش نعمة ... خليك كدة ... مش هتاخد في الأرض اللي عايزه ... وإمبراطوريتك هتكون مهزوزة وضعيفة بدون ... فلوس أو سلطة .... الحاجات دي هياكل ... وأبقى وريني هتعمل إيه لما في الآخر ما تلقيش حد جنبك ... وقاعد لوحدك زى (سكوت) سلام . - يسوع / ربنا معاك . (يصلي) أبي السماوي .... أفتح قلوب الناس فأني قادم إليها مسترسلاً قوتك في عبور فؤادهم إذا كان الله ذو قدرة ؟؟؟؟ فهل هي قدرة الشر أم المغفرة ؟؟؟ أيهما يكون القدرة العنف أم المغفرة !!!!!!!!!!!! هل الله يتألم أم يفرح للألم البشر ؟!!!! ما هو الأجمل اله يشعر أم اله مثل الإنسان لا يشعر بالآخرين ؟!!!
#ماريو_أنور (هاشتاغ)
كيف تدعم-ين الحوار المتمدن واليسار والعلمانية
على الانترنت؟
رأيكم مهم للجميع
- شارك في الحوار
والتعليق على الموضوع
للاطلاع وإضافة
التعليقات من خلال
الموقع نرجو النقر
على - تعليقات الحوار
المتمدن -
|
|
|
نسخة قابلة للطباعة
|
ارسل هذا الموضوع الى صديق
|
حفظ - ورد
|
حفظ
|
بحث
|
إضافة إلى المفضلة
|
للاتصال بالكاتب-ة
عدد الموضوعات المقروءة في الموقع الى الان : 4,294,967,295
|
-
الفصل الرابع مسرحية عدو المسيح المثيرة للجدل
-
لا أومن بهذا الإله
-
الفصل الثالث مسرحية عدو المسيح المثيرة للجدل
-
الفصل الثانى مسرحية عدو المسيح المثيرة للجدل
-
الفضيلة من الداخل أم من الخارج
-
عرض مسرحية عدو المسيح المثيرة للجدل
-
تربية الطفل الموهوب
-
الأخطاء فى زمن المحتالين
-
سوء الحظ……………….Bad luck
-
الحسد
-
الغيرة
-
عام جديد على وجودى
-
الخطيئة والتجسد
-
أربع لوحات فى القصر القديم
-
ما هو الوحى ؟؟
-
الإسلام والمسيحية: نقاط تلاقي
-
إشكاليّة الاعتراف بالآخر
-
الميلاد ومسألة الظهور الإلهي في المسيحية والإسلام
-
في مجتمع متعدّد الأديان
-
العروبة والإسلام
المزيد.....
-
60 فنانا يقودون حملة ضد مهرجان موسيقي اوروبي لتعاونه مع الاح
...
-
احتلال فلسطين بمنظور -الزمن الطويل-.. عدنان منصر: صمود المقا
...
-
ما سبب إدمان البعض مشاهدة أفلام الرعب والإثارة؟.. ومن هم الم
...
-
بعد 7 سنوات من عرض الجزء الأخير.. -فضائي- يعود بفيلم -رومولو
...
-
-الملحد- يثير الجدل في مصر ومنتج الفيلم يؤكد عرضه بنهاية الش
...
-
رسميًا إلغاء مواد بالثانوية العامة النظام الجديد 2024-2025 .
...
-
مسرح -ماريينسكي- في بطرسبورغ يستضيف -أصداء بلاد فارس-
-
“الجامعات العراقية” معدلات القبول 2024 في العراق العلمي والأ
...
-
175 مدرس لتدريس اللغة الصينية في المدارس السعودية
-
عبر استهداف 6 آلاف موقع أثري.. هكذا تخطط إسرائيل لسلب الفلسط
...
المزيد.....
-
في شعاب المصهرات شعر كتاب كامل
/ كاظم حسن سعيد
-
(مجوهرات روحية ) قصائد كتاب كامل
/ كاظم حسن سعيد
-
كتاب نظرة للامام مذكرات ج1
/ كاظم حسن سعيد
-
البصرة: رحلة استكشاف ج1 كتاب كامل
/ كاظم حسن سعيد
-
صليب باخوس العاشق
/ ياسر يونس
-
الكل يصفق للسلطان
/ ياسر يونس
-
ليالي شهرزاد
/ ياسر يونس
-
ترجمة مختارات من ديوان أزهار الشر للشاعر الفرنسي بودلير
/ ياسر يونس
-
زهور من بساتين الشِّعر الفرنسي
/ ياسر يونس
-
رسالةإ لى امرأة
/ ياسر يونس
المزيد.....
|