مــو.. قـنـدهـار

ميسون نعيم الرومي

الحوار المتمدن-العدد: 8086 - 2024 / 8 / 31 - 20:16
المحور: الادب والفن
    

اعراقـنه شــدَّة ورد
اعراقـنه مو (قـنـدهار)-
ابغـفـله جيتو امن الزمن
جـار الفـگـر .. جار
اهجمتـو الوطن .. مابقه
طار النـفـط ... طار
باچـر قـريـب او يجي
مثـل الگـبـل....( فـار)-
اعـراقـنه شــدَّة ورد
اعراقـنه مو قـنـدهار
مو قـنـدهار
***
احنه الحضارة والمجد
العالم باثـرنه (سـار)-
اهـل الكـرم والقـيم
اكبارنه ... وازغار
المرأة عـدنـه مدرسه
المرأة نـور او( نار)-
مثـل السبع لوحچت
لا مو ابـد ...(عار)-
اعراقـنه شــدَّة ورد
اعراقـنه مو قـنـدهار
مو قـنـدهار
***
-(طفلـتـنه) قطعة امن الچبد
الها نصير.. اجدار
قانونكم مـَــيـْمر... ابـد
يا (مرْضَه) يا ..عار
باچـر يـِهـب الشعـب
شـعـب العراق (الجبار)-
يـغـسل (ادران) الاجت
تضوي دنـيانـَه .. منار
اعراقـنه شــدَّة ورد
اعراقـنه مو قـنـدهار
مو قـنـدهار
-------------------------------------
1 / أيلول / 2024
ســـــــــــــتوكهولم

#ميسون_نعيم_الرومي (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات