رواية جحيم بيت العز

زهراء الركابي

الحوار المتمدن-العدد: 8021 - 2024 / 6 / 27 - 09:41
المحور: الادب والفن
    

صوت اليسا بلغرفة واغنيتي الاحبه مرايتي وجودي كدام المراية مبتسمة ودفتري مذكراتي جمع ذكرى ثلاث اجيال ورى بعض حطيت دفتري على مرايه
و سديته و رحت اطلع كتاب رياضيات وطفيت الاغنية لا السادس يسحلني

....... مرور ثلاث اشهر على تفكير وصراع وي نفسي احجي قصص الاجيال
ناس ميتين وناس عدلين فتحت عيوني على مداهمه الغرفه مالتي

_ خلصتي امتحانات عيني بعد ماكو نوم

_ولا يهمج عيني كايمه و ماعينج اغسلهن و اني الممنونه

ضحكت امي و كمنه اني ويها اني ارتب المطبخ و هي كعدت تلف كبه و خليته تسولفلي اشياء اني اساله عليه

_ شونج بالامتحنات الوزارية مريد غير معدل ال90

_ ان شاءلله الله ماما اني سويت كل الي عليه

~
«في الماضي»

: انت خلفتچ بس بنات اريد ولد يشيل اسمي ابني راح اشون اضل بدون ولد

: ازوج ما منعتك اني هذا شرع الله واني مغضب ربي وذني بناتك عدي اعز من الهوه اذا انت ما ماليات عينك

: اهووووو منو يحجي خوش اني رايح اخلي اختي تخطبلي

: بقت امي تتحسر وابوي طلع من البيت بجت امي مستهضمه استهضمنه كلنه امي جابت 10 بنات على ولد واحد وراح وي نزاع عشائري ومات وبقه ورى بنته وزوجته 

نسيمه: امشن يمه لا تبقن اهنا بلا اكل وراجن حش و علف للمواشي

كفاء: صار امي.... مشيت و اني منزله عيوني اني اخر اخواتي اصغر العنكود سمتني امي كفاء بمعنه الاكتفاء بخلقته بينه كل وحده من اخواتي اله قصه خاصه بيه كل وحده بينه عاشت اشياء بضلم القبائل والعشائر و ضلم ابوي شفنه العجايب

سميرة: الله يخلصني منجن الفكريات كل شيء ما حصلت منكم بس فكر
و انتِ كومي لا برك الله بلبطن الي نكلتج اني لو ابوي يستقبلني ابقه يمكم مات المصخم و بقيت للعوانس

جنت اسمع مرت اخوي الميت و اني ساكته لان محد يكدر على لسانه
دخلت عليه و هيه نصدمت بوجودي بديت اركب بلغده و سمعت سلام رجال بره طلعت اشوف منو و شفت خال امي ابو مرت اخوي
سعيد: اني جاي اخذ بتي اجوها خطابه و بتكم هاي حفيدتكم خلوها يمكم

امي صفنت بوجه و هزت راسه و هو اخذ بته و مشه و احنه صبينه غده و بت اخوي واكفه على صفحه و دمعتها بخدها صحنها و خلينها تاكل و اخذته وياي للهوش
فضه: عمه امي ليش راحت

كفاء: شوفي عزيزتي مرات الام لازم تكمل حياته بدون اطفاله لان امج بعده زغيره و خطيه و انتِ هسه جبيره و راح تبقين يمنه و احنه راح ندللج و نخاف عليج
امي عيونه بنت اخوي و هي غفت على رجلي مع العلم هي مو كلش زغيره بس تختلف عنه احنه افهم و اعقل منه بهواي شغلات
نسيمه: راح الولد بعد بيش اتفيد هاي الناس و حزني على زوج مرته اوف يايمه ريحت ابني الي نحرمت منه اووووف

بجينه وي امنه على حنيت اخونه الي راح و ما حسينه بلحنان بعده و بته تشتت بعده قضينه ايام و اسبوعين على زواج مرت اخونه و بنت اخونه صارت ويانه و نست امه و هيه هم ما سألت عليه فتعودت على وضع سمعت صوت امي و ابوي طلعت اشوفهم شبيهم
نسيمه: كتلك روح صدكني ما انكسر وراك اني بناتي يسون دنيا

خاطر: خشمج الي مرفوع للسمه انزله الج واذلج يعني اذلج و زواج ازوج اريد ابن يشيل اسمي

نسيمه: عاد شون اسم امش يمه امشي روح اخطب الي تريده

مشه ابوي للحجره مالته و اجت امي يمنه نامت قلبي مكسور عليه كل زلم ذاله نسوان بسالفت اريد ولد شنو فرقنه احنه عن الولد احنه مشايلين اسمه؟ زين اذا الولد اجه راح يضل يفتر باسمه؟ اني مستهضمه نمت و كعدت الصبح رحت للحشيش احش و طلعت الهوايش و دمعتي على خدي قبل لا اطلع سمعت صوت تنهيدات امي اثر البجي سمعت صوت وراي التفت بسرعه

داخل: شبيه ام عيون عسليه ضايجه

اني مو كد حبه اخاف مشيت بعيد عنه و بقه هو يغني و اني منقبه و اسمع بس و كاعده بين الحشيش و الهوايش داير ما دايري و اسمع بس صوته
ما يعرفني و لا اريده يعرفني اني بت منو

داخل: شون نبقه هجي على الاقل اريد اسمع صوت اريد صيحلج بي

نسيمه: يبن الناس اني بت عالم و ناس و موش كد سوالفك ابتعد دخيلك

بقه صافن بوجهي و هز راسه و اخذ هوايشه و مشه و اني بقيت اعاينله من بعيد و اسمع صوته و هو يشعر و يغني اغنيته الجنوبيه كله ملح جنوبي

جميلة: يله لمي هوايشج و رديللبيت امي ودتني عليج

جميله اختي الاكبر مني كويه و محد يكدر على لسانها مزوجه و ماعدها ضنه و صارله يومين عدنه و محد يكدر يتنفس الكل يسمع كلمتها و اذا اجت اصير مشاحنات قويه بينها وبين اختي شموخ شموخ اسم على مسما ما ازوجت بسبب جولت السانها و الكل يعرف طولت اللسانها و القريه كله تخاف منه الكل يحسب النه حساب خاطره و القوته دخلت لكيته بت اخوي تبجي ركضت عليها اشوف شبيها رفعت راسها شفت خشمها كله دم اخذتها لمشروع المي (بحيره مياه) غسلت وجها و سكتتها

كفاء: احجي عمه شبيج

فضه: عمتي شموخ
بس اسم شموخ طلع من بلعومها و بس بجي و نشغه اني مو كد شموخ اخذته و دخلت للحجره و طلعت اسوي غده و رجعت اسكي الزرع الي قريب يم البيت و رجعت اخبز دخلت للبيت لكيت امي صافنه

كفاء: ها يمه شو اشوفج مكدره احجي يمه فضفضي

نسيمه: لا يضل بالج يمه روحن كملن شغلجن و لمن حطب جو بده يبرد

كفاء: يمه كل شيء تردينه تم

نسيمه: بعد امج الله يدزلج نصيب زين و ما يكسر خاطرج بيوم و يفرحج و يخليج دوم مبتسمه
فضه: عمه اساعدج بشي محتاجه شي

كفاء: لا بس تعالي طلعي وياي اعلمج على الحش
نسيمه: يمه ديري بالج عليها ترها من ريحت اخوج

هزيت راسي و طلعت امشي و كاضه فضه و هيه مبتسمه بدت بسوالفها المعتاده و اسالته الهواي
فضه: عمه هجي نحش لو هجي؟
جانت تمرد بلجت مرد بس اني عله كيفي وياها و اعلم بيها عكس اخواتي

فضه: عمه هذا ليش صار هجي
كفاء: لان مردتي بايدج ميصير ينمرد لزم يبقه ثابت بايدج و منجل هو يتحرك هزت راسه متفهمه ذكيه بس يرادله واحد يتعب عليه و اني هذا واجبي لان عمتها
مشينه بعد ما كملنه الحش و كل شي دخلنه البيت لكيت حوش البيت كله وصخ و اني لميته قبل لا امشي مشيت كملت كل شي لميته و غسلته بس هل مره فضه وياي و تعلمت بسرعه و مشلعت قلبي

نسيمه: كملتن العشه يمه

شموخ: هسه نصيح كفاء اجيب السفره

نسيمه: ليش انتن مكرمات و ما تكومن تجيبن زقنبوت مر ببطونجن

جميله: اي يمه صار احنه نجيب بس لا تكدرين خاطرج

جنت اسمعهم من ور المزراب لان هذا تصرفهن من طفوله وياي معتبراتني الخدامه و هن الشيخات صح ابونه النه كلنه شيخ بس هن متسلطات و هن الكويات بس الحمدلله امي بظهري و دافع عني و جيبلي حكي من حلك السبع بيهن
مشيت للغرفه على صوت امي و هن بدن يحظرن العشه تعشينه و صلينه و نمنه هاي الليله جانت هادئه مو مثل كل ليله ابوي ما موجود خواتي هادئات و ماعدهن مشاكل
نسيمه: الله يستر من هذا الهدوء لان ورى عاصفه جبيره
كفاء: كولي يالله يمه و ذكري الله

نسيمه: يالله ياكريم

تعشينه و نمنه و كعدنه صبح روتينه نفسه
بس علمت فضه على طبخ اليوم و شغل المطبخ و مشه اليوم طبيعي
رحت للبستان و شفته واكف بعيد عيوني تبعه و روحي ويا بس جدامي واكفه هنا تقدمت شويه وهو ابتسم

داخل: ام عيون عسليه شنو اسمج ابقه هجي اصيحلج شون

كفاء: ها ما اريد اصير مشاكل

داخل: ابقي على راحتج بس هل يومين ما اشوفج

كفاء: عدي مشاكل وي عيال البيت

داخل: افااا الله يحل عسيره

كفاء: اني رايحه

داخل: اوكفي

راح شويه ورجع بيده شيله ومسك

داخل: هاي جبتهم الج وبقن هنا ضمهم الج

كفاء: شكراً اخذتهم وضميتهم بهندامي و رحت للبيت وي الهوش

جملية: وين جنتي ليش تاخرتي

كفاء: جنت سارحه بلهوش عفته و تعديت للغرفه ضميت شيله و مسك و خايف يلكفوهن

و كملت يومي بين شغل و سوالف وي امي طلعت اجيب حطب لامي تريد تخبز
رجعت لكيت شموخ و جميله يداهرن و بيدهن شيله الي جابه الي داخل ركضت دخلت و رجفه بايدي

شموخ: منيلج هاي لا انا ولا جميله جايبنه الج
جميلة: هي حباب وهسه تحجي

نسيمه: خايبات و علي اذا متعوفنه اكوم عليجن اكسرجن

دمعه بعيني و خوف و اريد ابجي و خايفه اجفص و بعدين تشجعت و حجيت وي كلام امي

كفاء: يمه بنيه صديقتي جابته

جميله: منيه صديقتج كلهن اعرفهن

شموخ رافعه حاجبه و اني رعبه بيه وما تردتت اكله كميله لان اعرف تسد سالفه بدون ما اني موجوده و تعرف تكمل جذبتي بدون متعرف شنو اصل سالفه

شموخ: سهله العصر تجي ونسأله بس والله اذا طلع تبربك منج اشكج و اشك عشيرت

هفت شيله بوجهي متت و الخوف اكلنه شيجيب كميله الجو حمه و توتر امي كل شويه هاده و هن يردن يكتلني

كميله: مساكم الله بالخير

شموخ: هله و مرحبا اخيراً اجيتي

كميله: يا ستار استر تحجي

شموخ: شجايبه الكفاء

كميله: جبتله هديه تلوك الوجه الحلو
وجهي ضل يطي الوان

شموخ: يعني شنو

اني قبل سحلت شلتي وهي فتهمت و هي ركعت جذبتي اجتي شموخ غمتني و مشت صفنت عليه اخذت كميله و مشينه

كميله: احجي يمعزايه شمصخمه

كفاء: ما صخمت هو جابهن ومكدرت ارده

كميله: هايه بس بعد لا تتورطين

بقينه نسولف كملنه سالفتنه و اني رحت لبيتي و هيه راحت البيتها كعدت بالبيت اكمل شغلي دخل ابوي بهندامه للبيت وجه مبتهج و بخوره يعط و مبين جان رايح مشيه لو شي ما دققنه اني و فضه رحنه لبيت الهوش و المواشي جاي نعلفهم و سمعت صوت شموخ تصيح طلعنه مفزوعات لبيت و اشوف جميله طايحه بلكاع وامي شاكه زيجه و ابوي ينافخ توقعت شصار لا والله عرفت شصار

خاطر: اني كتلج ازوج و اكسر خشمج و راح اجيب شيخت النسوان

نسيمه: يبو فزاع انت تعرف نسبي موش قليل و انت تعرف اني اذا طلعت من البيت بيتك ينخرب و شيختك صير علف للمواشي

احنه صافنين من جرئت امي شون كدرت تحاجي ابوي بهاي طريقه و تقلل من قيمته
خاطر: انت تهدديني لو شنو اكلج اني خطبت و رحت و طوها الي و أن شاء الله الاسبوع الجاي عرسي و احطها شريجه على راسج ليش تخليني اهينج كدام بناتج

نسيمه: غلطان يبو فزاع فزاع راح يجي و راح اكسر عينك بي

خاطر: محد يكسر عيني وانت تعرفين ثمن كلامج

نسيمه: روح جا شرط زوجك ما يتم اذا مو على شروطي

سكت ابوي وراح للحجره ينام
شمس بحوش بيتنه واني عادتي وي بنت اخوي نضف سوه وامي كاعد بنص الحوش عيوني عليه وهي كاعد منتصره على الكل وكاسره عيون الكل وحققت كلمت شيخه  اليوم عرس ابوي بس الحلو بامي ولا هتزت
نسيمه: نضفي الحوش زين يمه جايتنه النسوان بعد شوي
كفاء: بعيوني شيخه
ابتسمت امي امي جميله بمعنه الكله العيون والشعر والسمار الي عليه وطوله الي مثل عود الخيزران والمسك الي يفوح منه وحنه الي باديه  تجلب الناظر اله

فضه: عمه ليش جدي يزوج

حتاريت شون اجوبه وشون اركع سالفه وما اوضحله انو زوج رجل على مرته شي مسموح ولا اريد اكله حرم لهيته بسوالف ورحنه يم امي الي جاي تتحضر وتكحل عيونه بكحل العرب

كفاء: ها يمه شهل حسن

نسيمه: مو بحسنج ولا بجمالج يبنيتي

كفاء:  كملنه شغل البيت ونظافته وبدينه نستقبل ناس اني لبست ثوب

نسيمه:  شهل كشخه والبخور الي يفوح منج عاشت ايدج بنيتي يوم الي افرح بيج

ابتسمت اله وطلعت امشي للبستان اتمشه واجيب الخظراء من بستان

داخل:  المن هل حسن يبنيه

كفاء: ها

داخل: اكول اليوم ما شفتج

كفاء: عرس  عدنه  وملتهيه وي الناس

داخل:  حلو عرس منو

كفاء: عرس ابوي

رفع حاجب ونزل حاجب وابتسم

داخل: تتقشمرين (تشاقين) وياي صح

كفاء: لا وداعت الوالده

داخل: اني سامع اذا وحده رجله يزوج ابوها تكعد يم امه تواسيه

كفاء:  لا شيخه هي بنفسه راحت تتمت خطبتهم

صفن بوجهي وابتسم وتوادعنه ومشينه وصلت نزلت الخظره بالباب اخذته فضه تنظفه واني رحت اكمل شغل البيت

بالليل صارت الزلم تجي تسلم على ابوي وحنه مسويله ودك وركص وهوسات 

امي كاعده بصدر الديوان تكلك هي العروس ونسوان يصفكن ويهوسن اله 
اخواتي يركصن وي النسوان
احس امي بقلبه غصه بس متحمله وساكته ومرات احسه شيخه وشامخه على الكل حيرتني

طلعو للبرانيه اشم هواء وارتاح من هوسه سمعت صوت وراي التفت شفته كبالي بكشخته

داخل: شسوين هنا

كفاء  : شسوي بيت ابوي مثلاً
فتح عيونه يستوعب الي كلته وفتحه او زرارر من ثوبه بقه صافن بوجهي يريد يحجي ميكدر توصل الكلمه بدايت حلكه وترجع بقيت صافنه بوجه

داخل: انتِ بت شيخه نسيمه

كفاء: هزيت راسي بالاجبه
هز راس وحجه وبقه صافن بوجهي بعده بطور الصدمه ونزل عيوني بعد ما رفعهم بعدني اريد احجي ويا وسمعت صوت شموخ وراي واني بعدني واكفه  ومتصنمه وهو دارك الموقف

داخل: شيخه  اني جبت ذني صندوكين دخلوهم جوه

يحجي وهو منزل راسه وما رفع عينه واختي شموخ ما وكفت بتسهيل والترحيب بي

شموخ:  داخل ما اطيتني خبر انت جاي عادي امي مشتاقتلك من زمان ما شيفينك

داخل: الله يسلمج ياالغاليه

مشا هو وشموخ تبوعتلي وصاحت حطي ماي بدوالكه (صلاحيه) وتعالي وراي مشيت للمطبخ واني ابلع بريكي كوه من موقف ومكدرت اسئال اخاف شك بيه دخلت لكيت النسوانكعدات بصف ويسوالفن ويها وهي بس جسد سمهن باله بغير مكان اني ادري بيه بس ما تبين الاحد  وحده من عماتي  تحب تغثه تهوس وتركص قبال امي وتصفك امي تبوعتله عبالي راح تكوم مغثوثه بس وكفت بشموخ

نسيمه:  هاي  الفرحه ما بعدها فرحه واليحبنا يفرح ويانه
ابتسمت واني اشوف امي تهوس وعومتي كعدت على صفحه راحت العالم بقينه بس احنه وعماتي دخل ابوي بهندامها نظرته الامي معرفت افسره ولا كدرت افسرها
خاطر: شونج شيخه

نسيمه: الحمدلله بخير دامك بخير

خاطر: اريد عشه من ايدج مشتهي اكلج

نسيمه: كفاء يمه كومي صبي  عشه لبوج
هزيت راسي ورحت امشي على كيفي اريد اسمع شيحجي وياها واني ابتسم من سمعته يحجي
خاطر: شنو هو شيختي مغتاضه مني

نسيمه:  الي يزعلني يعرف يرضيني ويغليني
كملت طريقي سريع من سمعته طلعت من حجرته كملت صياني الاكل ورتبته واجتني فضه جايبه الخبز ابيده ابتسمت صايره نادره وساعدني مشيت لحجرت ابوي لكيته مبدل وكاعد
كفاء: ها بويه كملت الاكل تاكل اهنا لو بلحوش

خاطر: لا يبعد ابوج هنا جيبي جو بارد

حطيتله الاكل وبقيت واكفه يمه كل شويه اروح اجيبله ماي لو شي يحتاجه لحد ما خلص كعدت اصفي بماعين الخطار واحظر شغلات الباجر لحد ما سمعت صوت بره ومشيت بتجاه الصوت مرعوبه وشفته عيونه هديت وحجيت بصوت خافت

كفاء: داخل شسوي هنا

داخل: شحلات اسمي بصوتج اجيت اشوف ما اذتج شموخ لان اعرف شموخ شنو

كفاء: لا شسالفه ترى اختي شموخ وتاخف عليه

داخل: تمام ديري بالج باجر العرس هواي ناس تجي اذا محتاجه اجيب اهلي وياكم

كفاء: لا اني واخواتي كلهن موجودات لا تخاف علينه

داخل: كفو منج بس ولو كان

حجاها وراح واني دخلت لكيتها كلها نايمه القيت نظره على فضه اشوف اذا مغطايه لو لا وشفت امي نايمه بينه ابتسمت للراح تسوي بيهم باجر وتخطيطه وبرودت اعصابه نمت حتى اكعد وي الفجر اسعد عماتي بلطبخ
شموخ: كفاء اكعدي ساعديني بلخبز اديه راحن

كفاء: بعيوني
كمت وياهن شي يطبخ شي يخبز شي يكنس اني رتاحيت من شفت الكل يطبخ ويكنس رحت للمزرعه اشوف سكيات شفته موجود تقدمت امشي على كيف وهو يعاين  الي واني منزله عيني مره ومره ارفعه اشوفه وهو بعد يعاين عليه

داخل: هلا بشيخت قلبي هلا بست صبايه

نزلت راسي ستحيت من كلامه ومشيت للزرع وهو مشه وراي ويتلفت خايف احد يشوفنه
داخل: من عرفت انت بت شيخه نسيمه قلبِ عشكچ وميقبل يعوفج وينساچ ومن يخلص عرس ابوج اجي اخطبچ

كفاء: معرفتك ابن منو صير

داخل: ابن خالت امج بس صارت مشاكل وي ابوج وابوي الله يرحمه ونكطعت رجلي عنكم

كفاء:  ما اذكر لان ابوي هواي يسوي مشاكل
ضحك ونزل راسه
داخل: جنتي ازغيره بوكته يعني ما تذكريني شكد عمرج هسه صار

كفاء: صار عمري 16 هسه
ضحك وكملنه كلامنه هو راح واني رجعت للبيت اتباوع للرايح وللجاي صاحتني امي تضحك
نسيمه: شو ما اشوفج تشتغلين وبس تتبوسمين

كفاء: شني خليني مرتاحه وحاسه برافاهيه شويه

نسيمه: يرحلج فدوه مهات الكلك
(حتى اني معرفته سئالت البطله ومعرفت معنه هل كلمه)

كفاء: اي اي شيشيني(حرضيني) عليهن

نسيمه: كومي صبيلنه غده بعد امج

كفاء: اي عيني شيخه وراج تنفيذ خطط اليوم لزم تتغدين

كفختني بلمخده تضحك واني مشيت اصب وصحت فضه تتغده ويانه

فضه: اكلج عمه اني اريد ابدل گلبيه حلوه

كفاء: لبسي منو كلج لا تلبسين

فضه: عمتي شموخ تكول تردين تاخذين العريس مني لا تبدلين

ضحكنه اني وامي وكامت امي جابتله كلبيه جديده ومسك ومكحله اخذتهم فضحه وحلكه مفتوح  عله امي

نسيمه: كومي جده بدلي وحطي من مسك وتعاي العمتج تعلمج تكحلين عينج

راحت تركض وامي تتحركن من شموخ شيزوجه ونخلص منه
اجه العصر وابوي دخل حجرته ايريد ايبدل هندامه ويلبس العبايه مالته راحت امي تتبوسم قبال عماتي مخذه البخور بيده تبخره

نسيمه: هلا بزينه شيخ الشباب هلا بشيخنا

خاطر: شيختي راضيه عليه اروح اجيب عروستي

نسيمه: ليش اذا اني مراضيه تكدر تروح جيبه
خاطر: لا وداعتج

نسيمه:  لا تحلف روح امشي حتى اطيك الشروط الي لزم تحققهم

طلعو كلهم راح يجيبون العروس واني واكفه يم امي تريد تبجي وتكابر لا تنكسر قبالهن ويشمتن بيه وطيح هيبه الشيخه

كفاء: يمه ابوي ميدري بلشروط

نسيمه: لا هسه شوي يجي ويسمعهم ويعرفهم كلهم
ابتسمت على ابتسامته وغرورها عليهم رغم انكسارها

اجو وجابو العروس امبينه زغيره بس امها الشر بعيونها ونويته على امي أصلاً اتعجب اذا طلعت خوش مره لان اختيار عماتي
اخذنها دخلنه بلحجره الجديده وابوي طلع يسلم على العالم ويطيهم عشه حتى يخلص ويرجع يشوف شروط امي
أصلاً الكل منتظر شروط امي حتى الزلم اتوقع عرفو بهاي السالفه لان كل منتظر وخايف من شروط امي الكل مشه بقينه بس احنه ونسوان بيوتهم بعيده دخلنه بغرفت امي ومنتظرين ابوي اني واخواتي وامي 
خلص ابوي الناس ودخل على امي باس راسها امي وكعد بصفها جبتلهم جاي

خاطر: احجي شيخه منتظر شروط مالتج

نسيمه:  اول شرط يخاطر متروح يمها الليل تبقه يمي  والباقي الله كريم

خاطر: ام فزاع ابد مو حق هذا وانت العاقله
نسيمه: العقل خليته الك اني عدي بنات وتخبلت مو هجي حجيك ام البنات امخبله
خاطر: تامرين بي يصير

دخل ابوي وي امي والكل بقه صافن واني وفضه اخذنه غراضنه ورحنه انرتب البيت ونغسل مواعين العشه والبنات يفترن ويانه يشتاغلن والي تغسل طلع ابوي من غرفت امي وراح العروسته وامها الي خلصنه مناحه تقدم للغرفه وطلعت ام العروس تريد تروح الامي وكفت جميله اباب الغرفه وعترضت طريقه

جميله: ها يحلوه غرفه شيخه نستاذن منه يله

نسيمه: تفضلي احجي

ام غلا :بنتي لا توصلين صوبه لان ميحصلج خير

شموخ: وي منو تحجي هجي تحجي عدل لا مطلعين منا صاحيه

نسيمه : بنات تكترو من شوكت زغار مايحترمون الكبار ميخالف يمه خطار ومو من شيمي اذي خطاري كل وحده بيكم تدخل للحجره مريد ولا بنيه هنا

الكل نفذ الي تكوله وهيه هم دخلت الحجره ضليت ابوع من المرزيب (شباك) اريد اشوف شصار وشفت عماتي التمن على مره يطيبن خاطره هاي اذا بقه خاطر لان امي طشرته اله هي وشكله
واسمعهم كل وحده جرعت امل حتى ما تفصل عليهن

شموخ: شسوين هنا مو عيب هجي سوين

كفاء: اش عماتي وام البنيه برى

شموخ: اطيني شويه مجال اسمع وياج تعالي جميله

جميله: ها شكو شبيجن

كفاء: مو على اساس عيب اتسمع اشو صحتي حتى جميله
خزرتني وسكتت بعد مكدرت ارد على اشي تحجي لان مستعده تدفني اني وعشيرتي

جميله: اكلج شموخ شنو هاي اشو يتفقن على امي

شموخ: اذا هنه مشرانيات اني اكلهن وهم بدون ذبح وشوي
ضحكنه عليه نمنه ذيج الليله واحنه تعب ناخر اعضامنه وماكل راسنه منتظرين باجر شراح يصير  كعدنه على عياط عمتي واكفه بنص حوشنه وتباوع علينه غضب وصيح علينه حتى نشتغل

نسيمه: كفاء فضه تعالن يمه

فضه:  عمه شرده من شغل هاي؟

كفاء: اسكتي لا يسمعنج فوتي يم امي لبين ما اجيب الخبز والجاي

دخلت للمطبخ جبت الاكل وطلعت يم امي لكيته تضحك وي فضه وحاظنته
ابتسمت وحطينه صينه وامي سوالف ويانه وتكلنه روحن للبستان حتى ما يتامرن عليجن للشغل فضه مكيفه بس اني مريد اروح واعوف بيتي بيدهم

كفاء: يمه البيت.! 
مخلتني اكمل كلامي
نسيمه: محد يكدر يسوي شي راح اكعد بنص الحوش

طلعنه اني وفضه نتمشى للبستان شفته واكف من بعيد يغني وستغربت داخل يغني؟  وعود بايده شنو هاي وشكو عقلي شوش

كفاء: فضه انت روحي هناك عزيزتي

فضه: صار عمه

مشت فضه واني رحت بتجها اسحب وكعدت قريب اسمعله وشوفه شون يغنس ويطرب والعوده بايده مشيت بتجاها وكف على حيله ابتسم وكف حتى يتلكاني

داخل: عسى ما تنحرم عيني هل طله

كفاء: ها

داخل: الفهوه وفكت الحلك اروحله فدوه

شمس ظاربه بلون عيونه وتجذب الواحد يصفن بيهن صفنت بي وركزت بوجه اول مره اصفن بيهن
داخل: وَنَصيبي مِنَ الحَبيبِ بِعادٌ وَلِغَيري الدُنُوُّ مِنهُ نَصيب كُلُّ يَومٍ يُبري السُقامَ مُحِبٌّ مِن حَبيبٍ وَما لِسُقمي طَبيبُ فَكَأَنَّ الزَمانَ يَهوى حَبيباً وَكَأَنّي عَلى الزَمانِ رَقيب إِنَّ طَيفَ الخَيالِ يا عَبلَ يَشفي
كفاء: حلو حافظ لعنتر 
ابتسم وما جاوب ودار وجه للجه ثانيه وحجه
داخل: شعدج هنا اليوم غير صباحيه عرس ابوج وتبقين تستقبلين الناس

كفاء: امي ما تريدنه نشتغل اني وبت اخوي ودتنه هنا نختل بين الزرع

داخل: تختلين من شغل؟ 

كفاء: موش اني وعلي هاي الشيخه
ضحك ودار وجه عليه صفن وهز راسه بقوبل واشرلي اروح درت وجهي اتمشه لفضه لكيتها كاعده تلعب بلتراب مثل عادته مشيت بالفي وصحته يمي

فضه: عمه شوكت نرجع والله تعبت

كفاء :  بيبتج تعزينه اذا رجعنه اله هي دز علينه كعد وسكتي

اجت جميله تمشي بتجاهنا وتاشر نروح اله كمنه جانت تنافخ وتمشي واحنه ورها وتبوع علينه بغضب وبطرف عينها ردت احجي وترجعت ما عده مانع تدفنه لان طاح شغل براسها وفضه كل شويه تاشريلي وتبسم وتحط ايده على حلكه

جميله: من كون مرض على شنو تتمضحكين مو راح اجي امرعدج تمرعد

كفاء: يعني هسه انت حاطه عقلج وي عقل طفله

جميله: مو طفله شوفي صماخه شكبره

كفاء:  لعد انت شوفي صماخ زغير جا انت زعطوطه
دارت عليه بغضب وتريد تاكلني واني فضه نركض للبيت اريد نوصل الامي تحمينه منه

كفاء: يمه تعالي يمه لحكينه

فضه: جده راح اموت رجليه تكطعت

كفاء: ولج نسيمه يمه

طلعت امي ويها نسوان ثنين كبار ومبينات مو كرايبنه جيات يسون واجب واني فضه نركض جنه مخابيل 

نسيمه: يمه بناتي شصاير ولجن منو يركض وراجن

فضه: عمتي جميله تريد طكنه

نسوان ضحكن وامي رفعت راسه بغضب عليه وجميله وصلت بلعصه اني حتاريت وين اشرد وين اطي وجهي مكتوله مكتوله رحت اريد اركض وسمعت صوت رجال

داخل: يالله ياالله ها عمه شونج سمعت صوت خو ما صاير شي

نسيمه: هلا بيك بعد قلبي شونك يمه لا ماكو شي يمه جهال يلعبون اخذ هاي عصه من جميله وصله رجله جهاله يبجون عليه
داخل: تامرين شيخه مو بس طلبين
التفت اريد امشي وشفته يضحك امبين شاف كل شي يبو على حظج يكفاء شاف الخبال مالتج دخلنه اني وفضه للحجره مالت امي اجت امي ورانه وحجت علينه لا اجينه نصيح  بعيني البجيه خلصت من كتله اجتي حجي امي عليه رحت لفراشي ونمت تعبانه  ومالي خلك من حجي امي ما متعوده ازعله ولا متعوده اخليه تحجي علينه
نمنه الثاني يوم طلعت عله طلعت العروس عشتو جنه دجاجه مهلوس ريشه مشيت واشوف امي كاعد بصد البيت تتبوع اله

نسيمه: تعالي يمه كفاء تعالي كعدي هنا
غلا سوي ريوك وتعالي تريكي ويانه

غلا: صار عمه

مشت منزله راسه درت وجهي على امي الي صافنه بوجهي وتتبوسم

نسيمه: جاي تنفذ شرطي ثاني من الليله ابوج يعدل بينه وهي بدت تشتغل وشغل يتكسم بلتسواي بناتجن صح قلبي موجوع منه بس خطيه علينه بعدها زغيره ابوج بس الي اعاقبه ام هي خليه لو لعبت بذيله اعرف اربيه

كفاء: عداج الخطاء شيخه معدله

غلا:  صباحج خير عمه الف عافيه

نسيمه: كلمتي  ما احب اعيده اسمعني زين وتنفذن كلامي انتن الثنين الي بلبيت تحطنه ترجيه باذنتجن اي قصور الاثنين يتحاسبن معدي هاي غلا وهاي كفاء الي تعجن  ثانيه تخبز والي تخبز ثانيه  تعجن الي تنضف الحوش ثاني تعلف الهوش

هزينه روسنه بقبول واني بقلبي راحه من امي لان اعرف مو ضالمه وراح تعامله بلحسنه وما راح تخليه تفرقها عنه  مشيت للحوش انضفه وهيه راحت للمطبخ تطبخ 

مشيت للبستان اتلفت واريد بس اوصل حتى اشوف لان سمعت صاير عركه وكالو متصوب اني قلبي يوجعني وافقد بس اسمع كلمت واحد تصوب رجليه كامت متشيلني  وصلت للبستان لكيته كاعد ومرجي راسه وايده ملفوفه عيوني  عليه عليه تتنقل ودموعي تجوي على خدي

داخل: عليش هل بجي تعالي هنا تعالي

كفاء: من سمعت بيك تصوبت اريد رجليه ما تعيني اجيك

داخل: اسم عليج تعالي لا تخافين صلي على محمد

كفاء: الف وصلتي وسلام عليه

داخل: رفعي عيونج الحلوه اريد اشوفهم اريد اشبع منهن

كفاء: داخل اريد اروح لا يجي احد ويشوفنه

داخل:  منو يجي ومتشوفين الشجر  مغطي صاعد فوك منه تعالي ابقي كاعد

كفاء:  داخل....

داخل: اشششش شايفه من اشوف عيونج ادوخ واتيه دربي من اشوفه

ابلع ريكي بلكوه عيوني غوركن بدموعي معرف شرد وشسوي وهو ابتسم على منظري

داخل:  لا تبجين يروح فدوه لتراب رجليج داخل
تقدم عليه باس راسي وباس من ورى الحجاب وكام واني كمت امشي

داخل: كفاء باجر تعالي تشوفج حتى تردلي عافيتي

كفاء: الله وياك عند العافيه
مشيت للبيتنه لكيت غالى مخلصه طبخ وعليه صب وهي تريد تروح للغرفه تتحظر لان بعد يومين العرس ابوي مراح اله

غلا:  كفاء حلوه

كفاء: تخبلين حبيتي كلته ومشيت اصب الغده

نسيمه: وينجن يله يمه صبن غداجن  اريد ارجع للنسوان متجمعات

كفاء: صار يمه دقايق وتلكينه كدامج 

نسيمه:  عاشت ايدج يمه.  غلا عمه بدلي ترحين وياي تتعرفين على نسوان حتى بعد طلعين وياي للوجبات

غلا : صدك عمه يعني اكعد وياج

نسيمه: اي عمه حتى تعرفين طلعين وتمشين اني ما ديمتلج

كعدنا نتغده ودخل ابوي وكعد يوانا ياكل ويسوالف وي امي ومطنش غالى  ومينه سالفه يريد يروحله بس خايف من امي اني اشوفه وكوه لزمه ضحكتي كمت وشلت صحون سويتلهم جاي لكيتهن مبدلات ويتعطرن بلمسك حتى يرحن

مر سبوع على كلام امي وغلا يوميه يرحن العصر الخوال امي وي ام داخل حتى يكونن ويها واكفات للناس واني ما رحت بعد للبستان لان ابقه بلبيت ويا فضه لان شموخ عد عمتي

اليوم وبعد ما خلصت ناس روحه وجي وخفت رجعن امي وغلا يبقن بلبيت واني طلعت للبستان قلبي متلهف عليه لقيته مثل كل مره كاعد والعود بيده ويدندن والي عرفت من امي انو يغني للشطر ويروح اعرس وحنا ومن هسوالف
نزلت راسي اتقدم عليه ابلع بريكي

كفاء: داخل شون صرت

داخل: ليش هجي كفاء سبوع صار اجي والكاج ماكو هجي سوين بيه وناس تجي شلم عليه وعمي يودي عليه اروحله اسحل بروحي

كفاء: اسفه والله غصب عني اهلي كل يوم عدكم وابقه بس اني يم بنت اخوي اليتيمه

داخل:  تعالي عزيزت قلبي انتي تعالي  

كعدنه يم شجره مكانه اامتعودين عليه

غلا  //

عمري مجنت منصوفه لا من الاب ولا من الاخ ولا من الام مشكله من تنخلق بعائله تحب الولد والبنيه مكروها عدهم ومالهم قيمه اول ما تكتمل البنيه يزوجها اذا بقت معنها صارت بايره حتى لو جزه عمره ال15 سنه  بيوم اسود مثل كل الايم اجت امي تهلهل وتكول شيخه نسيمه خطبتج رجله خاطر وعرفت دنيا مراح تنصفني من راح ازوج على شرج وانظلم

رغم كل ضلم الي جنت اشوفه عد امي وابوي جنت احول اهون رغم شيخه نسيمه مقصرت وياي بس يبقه شي مكسور بداخلي تنهدت من صفنتي وكمت اكنس الحوش لان كفاء طالعه برى البيت  دخلت فضه تمشي على كيفه بيده البصل حاشته توه

غلا : عاشت ايدج فضه تعالي شربي مي وروحي يم عمتي 

كملت كنس ورفعت راسي شفت خاطر داخل بلعت ريكي ورحت اخذ عباته منه

غلا:  هلا شيخ توه نور الدار

خاطر: هلا بيج نسيمه وين
غ: نامت توه جان عده خطار

خاطر: تعالي وياي للحجره 

بلعت ريكي بكل مره يسوي هجي ويستغل عمتي نسيمه واني تحز دمعه بعيني لا اكدر احجي ولا اكدر اسكت

خلص وطلع يتختل طلعت اني هم نضفت الحجرتي وحجرت الضيوف وشغلت بخور 

مشيت اشنك العجينه حتى اخبز طلعت عمتي نسيمه من حجرته تمشي وكعدت بصدر الحوش تتباوعلي وسولف وياي وتنصحني مثل ما تنصح كفاء

نسيمه: من تخبزين تنكبي والبسي ثوب اردان طوال وضخان حتى لا تنجوي اديج 

غالى: صار عمه مرت جاي اسويه

نسيمه: عفيه بنتي.  شسويتي غد اليوم؟ 

غالى:  اليوم حجي احمد (شجر صراحه انا ستغربت من اسمه بس همه كلهم يسمونه هجي) 

نسيمه: كون  مركه ضخينه مو خفيفه نفش ذيج مره

غالى:  هههههه لا هلمره كثرت الطماطه

نسيمه: عفيه بنتي تتعلم بسرعه ههههه

ضحكت وراحت تشمي للحجره مالته فضه كاعد تنضف خظره رفعت راسي على صوت دبه بلكاع وجمد دم بجسمي وعيوين يبسن.......

كفاء

كفاء: خاطر والله تاخرت ما تشبع غنه انت

داخل:  لو اظل طول عمري اغنيلج ما امل من الغنه

كفاء: شون سوالف عليك بيه ملوحت الديره كله 

داخل: حجوه جديده تونس 

كفاء: ههههه لا بس جنت اسمع امي تكوله لاخوي ابو بفضه

داخل: الله يرحمه جان خوش صديج الي ونعم منه ومن تربيته

كفاء:  جان حنين علينه ويخاف علينه كلنه وما مقصر وي وحده بينه وكل وحده

داخل:  اني شون وي لمعت عيونج

نزلت راسي مستحيه منه وخجلانه نزيت على صوت فضه صيح بصوت علي باسمي كمت اركض طلعت من بستان ورحت اله

كفاء: شكو فضه شكو

فضه: عمه لحكي جده نسيمه طايحه بنص حوش وعمه غالى متكدرله وحده

كفاء: صخم بوجي امشي ولج

رحت اركض للبيت رجليه ما يعني واني اسمع صوت غالى صيح وما اترد عليه امي ربي دخيلك لا تفجعني

كفاء: غالى روحي لبس هندامج وجيبي جده 

غالى: شون ما اندل اخاف اروح

كفاء: غالى موكتج ابد اخذي فضه ورحي

راحت واني حاول اعينه واكعد انتبهت بس بعده روحه خاويه وفضه وغالى تاخرو شون ثنين طحت بيهن اني بهذا الظيم دخلن ثنيهن ويه جده كوه تمشي

غالى: تفضلي خاله تفضلي

جده:  شكو شخيرج شخه كومي وياي كومنه ولجن
دخلت الجده وامي وياهن غالى بقيت بس اني وفضه بره  طالعت غالى وجه اصفر وعوينه مغوركه دموع

كفاء: غالى  شبيه امي احجي خوفتيني

....
دخلت الجده ودخلت ويها لغرفت عمتي نسيمه واني بقلبي خوف عليه وابجي وخايفه عليه واني اشوفه تون وتسئاله الجده وعمتي نسيمه جاوبه

الجده: على خير على خير يام فزاع فزاع راح ينور ديرته

نسيمه: بالله اذا صدك ياام محمود نذر عليه اشتريلج ذهب

باركت العمتي نسيمه وطلعت الكفاء بره راح يوكف قلبها عليه بس شكلي جان نا يبشر بخير من الرعبه والخوف الي صارلي

كفاء: احجي امي شبيه

غلا: لا تخافين مبيه شي عمتي حامل وان شاءلله ولد ونفرح بي كالنه

مشيت اصبلهم غدا واكمل خبز وشغل لان الهبطه الي نهبطنه تكفيهم مو مال اخليهم يشتغلون شويه وسمعت هلاهل طلعت اشوف منو وشفت جميله وشموخ وياهم بنات ثنين معرفتهن وجوهن جديده عليه واول مره اشوفهم صاحتني وحده تشبهم عمتي نسيمه هي الي جانت تهلهل من طلعت

أمهال: تعالي حبيبتي تعالي

غلا: هلا خاله

جميله: خاله؟

كالته بستهزاء اني مو قصدي شي بس اشوفهم كبار واني بعمر كفاء عيب اصحيلهم ها اول اصيح بسمائهم

أمهال: معيلج بيه عزيزتي تعالي لحضني

غلا: خاله لا انت كلجن على راسي اسويلجن غده

صبيتلهم السفره وكل وحده بجه كعدت يااكلن صاحتني عمتي نسيمه اكعد وياهم واني متكتره على جهاه

نسيمه: يمه أمهال صيحيه يمج خلي تاكل لكمه صايره صفره الفرخه

أمهال: يمه صدك وجه اصفر اشو متكالين انتِ

سحبتني وتخلي كدامي لحم وتمن وخبز وجيب من سفره وتخلي كدامي واني انكش مثل العصافير

كفاء....

كاعده بنص اخواتي أمهال وصابره منتظره اخواتي البقيه يجن على فرحتنا الي راح تنزرع من جديد بعد ضيم الي شفنا اخواتي البقيه بالناصريه وأمهال وصابره بالشطره جوي بسرعه لان قريبات علينه بعدنا نتغده ونسوالف وأمهال مره الي ومره الكفاء تخلينه لحم وتتقشمر وي امي تكله فرخاتج صفر ما ياكلن

باثنا هاي لحضات دخل ابوي يصيح بأسم امي وهو ملهوف على شوفته وامي على كعدتها ولا بتسمت حتى عقابه قوي اله تريد

خاطر: نسيمه صدك ولج

نسيمه: اي مو شي جديد كل مره تجي هجي ملهوف تاليته تعوفني بنص النفاس وتتهادد تزوج وهياك تزوجت بس شوف يخاطر ربكككك كريم ومال يظرب بعصه خليه هاي الحجايه باذنك ولا تنسهاا

بعد مرور ثالث اشهر

الجده ام محمود: ان شاءلله يام فزاع بشهرج الرابع وحمدالله زينه وما شاءلله عليج ولاجنج كبرتي بعدج بعز شبابج

نسيمه: بعد قلبي ام محمود باجر طالعه الكربلاء وان شاءلله ادعيلج بالاحسين هناك

طلعت ام محمود واني بقيت يم امي تريد تاخذني ويها الكربلاء وتبقه فضه وأمهال وي غلا لان شموخ مو مال تبقه بلبيت تهجمه على راس الخلفه حاميه على البت بدون سبب وامي تفازع اله وما حميته
طلعنه للكربلاء وطريق والتعب وضيم طريق فوكاهن شموخ زيد ظيم على امي بعركه حتى وي العالم الي ما نعرفهم الي بلباص

وصلنه منهلكين من طريق وتعب اول مدخلنه كربلاء امي دمعت صبت على خدوده قلبي عصرني على حركت كلبه
لزمت طرف عباته ورفعت و بدت تدعي تبجي

نسيمه: فشله عليه اطلب هجي طلب منك انت تنخى على شدات يابو فاضل ريدته ولد لخاطر بناتي
كالتها وبجت من كل قلبه وتنحب وعيونه مغوركه وحسه مبحوح من كد البجي

نزلت راسي اعصر بعباتي من قهر على امي واحنه كاعدين بين الضريحين سمعت صوته جمدت بمكاني مكدرت التفت بس رجفه اخذتني وما اكدر ارفع راسي والتفت بس رفعت عيني على امي وهيه تحجي

نسيمه: داخل يمه تعال اكعد ذني بحسبت بناتك

داخل: تامرين عمه

كاله وكعد مقابيلي بصف امي بينهم مسافه ويسوالف ويها ويهدي بيه ويضحكه

كل شويه ابتسم على منظره وهو يسوالف ويرفع عينه عليه ويتيه عليه حتى ما يبين واني رجفه بجسمي بس صوته يمنه وشخصيته تخليني اتيه دربي
صافنه بملامح وجه وتعابير شون يضحك ويتوبسم وانتبتهت الشموخ خازرتني نزلت راسي وهو صاح يكلنه كومن ننرجع للبيت الطريق كله هو يسوالف وي سايق الباص ما مال وساعه يغني موال سعه يطي شعر لعنتر واني روحي مسرسحه عليه وهو يسوالف

رجعنه للرفاعي
ردت الطريق يطول بعد حتى اشبع منه شوف وما اتركه وصلنه ونزلنه الباص وكملنه طريقنه مشي مثل كل مره نمشي بصفه اني وامي وشموخ من جهته اليسره وتمشي وسوالف ويا

وصلنه للقريه مالتنه شفت فضه تشتغل ويها مرت ابوي واكفه وجه اصفر معرف شبيه وتحس روحه جاي تلوب وكوه واكفه
غلا: هلا عمه هلا بيكم

كفاء: شبيج يمه شو وجهج اصفر

غلا: لا يمه مابيه فوتن ارتاحن محظرتلكم الغده

داخل: شيخه اني رايح محتاجه شي

نسيمه: لا تتغده يله تروح

داخل: شيخه عذريني غير مره عدي شغل

كاله وسلم على راس امي والتفت صارت عيني بعينه غمزلي ومشه يحححح شبيه سحت ما صدكت عزه يمه لو شايفه احد

ضليت اليوم كله مبتسمه وانضف وي غلا جتنه مره جبيره سالمت على امي وبقت كاعده يمه شموخ اخذت الضيافه وبقينه بس اني وغالى نتباوع من بعيد ونسمع حجي على الطاير والبشاره الي جنه منتظريها من زمان شموخ نخطبت
راح تزوج نخلص من مشاكله شويه

دخلت شموخ تهوس يمنه ومكيفه وتركص

كفاء: ها شنو فرحيني وياج

شموخ: تعالي احبج ولج راح اعرس وافتك منج

ضحكت على تصرفه ورحت حظنته مهم تكون هاي اختي افرح على فرحه واحزن لحزنه وابجي البجيه واركص بعرس واخلص منه مشيت للحجره اني فضه بعد ما طلعت مره وامي مبتسمه

نسيمه: ها فرحانه العجيز

كفاء: تركص مو بس فرحانه

نسيمه: خلني افتك منه تعبتني

ضحكنه اني وفضه على سالفت امي ومشينه نكمل شغلنه وغالى اليوم كاله تعبانه وتون من راسه كتله تروح ترتاح وديت ويها فضه توصل للبيت شويه واشوفه جايتني تركض

فضه: عمه حبوبتي غلا طاحت
كفاء: صخام امشي خل انروح روحي فزعي أمهال خلي تجي تعيني انشيله

راحت فضه واجتي أمهال وشموخ

أمهال:يمه اسم الله شموخ اخذي فضه وروحي جيبي جده ام محمود

شموخ:ترى مبينه عياره رشي عليه مي تصحه

أمهال:كفاء يمه روحي انتي معليج بيه اني اشيله

عفتهم واني رحت اصيح الجده وروحنه للبيت لكيتهم بغرفته وامي يمه تشمم بيه كشر ليمون وهيه تون بعده

ام محمود: صلى على محمد وخرن عنه وطلعن بلا امر عليجن

طلعنه كله بلحوش يم غرفته بقت امي وأمهال يمه واحنه نفتر وياخوفي حامل لان راح يروح الاهتمام اله وامي تركن سمعت صوت امي تهلهل دخلت لكيت ام محمود تضحك

نسيمه: تعالن يمه راح يجين اخو ثاني ان شاءلله

غالى: عمه اني تعبانه فدوه اريد انام

كملت كلمته ودفنت وجه بلمخده وروحه رايحه وماله نفس تحجي و تون طلعت امي ويانه اطت فلوس للجده ام محمود طلعت ام من يمنه واحنه كعدنه اني وامي وأمهال ويانه شموخ متنفرزه منها حيل وامي فرحانه واول مره اشوفه هجي فرحانه

شموخ: على شنو فرحانه يمه ترى شريجتج

نسيمه: اعرف يمه ترى المره بينه اذا مجيب ضنه تنقهر وقلبه يولع نار شب (تشتعل) بي نار لا يغرجن هيه هسه ضايجه لان تعبانه و اول طفل اله ضايجه باجر لو صار بحضنه وشمت ريحته تنسه هل زعل كاله

كفاء: يمه ترى ماكو بحنيتج يرحلج فدوه النساوين

ضحكت امي وشموخ تصفن على كلام امي جنه بهيمه (حمار اجلكم الله) وأمهال تاشر عليه وتضحك عود شوفنه شكله يضحك

غلا ♡♡

رفعت راسي من الوساده الي دفني رسي بيه مسحت دموعي واني الحسره بالعومي اسمع كلامهن ويزيد قهري عمتي نسيمه ما تستاهل كل يصير

تمنيت يموت تمنيت اخلص منه تمنيت اني هسه ظهريه مخلصه شغلي من كاع ابوي ومكتوله منه بلخيزرانه ونايمه تمنيت مدفوره من اخوي هاشم ونايمه بيت ابوي ولا هل قهر الي اعيشه

يجي خاطر ويطلع يفرغ حركه من عمتي نسيمه بيه وداما يختار الاوقات الي يكون الكل مالتي حتى يحسسني بالذنب
ويحسسني اني الغلطانه كل مره يدخل حجرتي اكره نفسي اكره الساعه الي اتزوجت بيه يتقرب مني بكل وحشيه

اليوم اني واكفه واني صارلي شهرين على حملي وعمتي نسيمه اله سبع تشهر وبطنه كبرت وصارت بلكوه تتحرك لان جبيره بلعمر ومال حباله بس ما مبين عليه وشايله دنيا بحيل وتمشي وتسوي وجبات على ناس

شموخ ازوجت وخلصت من مشاكله الي بدون سبب كم مره لاحظت الارتباك على وجه كفاء من ترجع من بستان واسئله شبيج تكول من تعب وشمس واني قلبي يلعب من اشوفها بهاي الحاله وفضه واكفه بين البستان لبين الدار يقلقني اكثر

بيوم واكف دا اخبز بره وعمتي نسيمه واكفه يمي تساعد بيه بلغده وفضه وكفاء ببلبستان واني خلصت خبز

غلا: عمه اني رايحه للبستان اشم هواء لان تعبانه نفسيتي من بيت ومغموت قلبي من بيت

نسيمه روحي: يمه وكل الكفاء جيب ويهار خظره من بستان

رحت اتمشه من جه ثانيه للبستان حتى متشوفني فضه اريد شيصير واريد اشوف كفاء وليش هجي حاله تغير

كفاء♡♡

روحت البستان صارت الشي الوحيد الي يريح بالي واخلص من مشاكل البيت وضوجه الى صايره
الامان الي صرت احس بي يم داخل غير رغم الخوف من العشاير والناس لا يصير شي واني بت شيخه نسيمه وتربات نسيمه اخاف ينجاب طاريها واخاف يصير مصيبه واخاف من هواي اشياء صير بس من اشوف داخل ارتاح واممن وراحت قلبي قبل بالي صرت ما احس بشيء من اشوفه

ضوجه وخنكه البيت الي صاير من ابوي وغلا من وره الحمل انسها

داخل: هسه شنو اودي امي تخطبخ لو لا

كفاء: بكيفك انت

داخل:باجر تجي امي وي اخواتي

كاله ورجعت للبيت الفرحه الي بيه والونسه طايره طايره اريد بس اوصل للحجره حتى انام ارتاح واضحك بوسادتي
كعدتي امي المسيه حتى انظف البيت واصب عشى للخطار وهيه كلش تعبت بشهر السابع وكوه تمشي

فضه: عمه والله تعبت شنو شوكت تخلص عزايم جدي

كفاء: شكد دردمين لخاطر ربج اشتغلي وانتي ساكته
اني وين بالي وهاي وين باله اني اريد يخلص لليل حتى اروح للبستان حتى اشوفها وهي ملتهيتلي بلخطار راحو اجو

وكل ما يدخل واحد للدواين تلطم لان راح صب جاي من جديد واني افطس ضحك عليه

فضه: عمه اروح انام متت تعب

كفاء: روحي عمه روحي

غلا: اساعدج بشي كفاء

كفاء: لا يمه روحي ارتاحي انتي

رحت لحجرت امي اشوف شمحتازه لكيته نايمه رجعت اريد اشوف غالى لكيته تبجي وابوي يمه تصد بي مدخلت لان امي متقبل ادخل بينهم وتكول من يخلصون اسمعي منه وانصحيه بس من هو موجد تكببين العركه بينهم زياد

كعدت صبح مخنوكه والغمته بقلبي ومكدر اروح من وكت للبستان خلتني امي اشتغل وي غالى وكالت اله ترتاح وهي ولا هامه تشتغل وتطبخ رحت للبستان

داخل: هلا بشيخت شيخات

كفاء: يااا وين يا شيخه شيخه تلوك جميله وشموخ

داخل: انتِ شنو نقصج عنهن انتِ هم كدرين صيرين شيخه مثلهم

كفاء: هههههههه ضحكتني اني رجل دجاجه ما احله

ضحكنه وكعدنه نسوالف وكالي اليوم تجي امه تخطبني وهيه واخواته

داخل: وين رايحه

كفاء: لزم ارجع.....
تصنمت بمكاني واني اشوف غلا واكفه من جهت بستان الثانيه سودت دنيه بعيني

غلا........

**

: جامعه حلوه والقسم الي اريده عيوني بيهن الفرحه والفخر اول خطوه من خطوات النجاح

:  شنو هاي شبيج عيني اشو هواي صفني

:  يمعوده غير روحي طالعه من محاظرات اليوم
حاولت انهي حديثي بسرعه وكمت متوجه من نادي طلاب للكراج اريد اطلع اوصل للبيت اريد اشوف ماما شمسويه غده بالف ياعلي بزدحمات والجامعت وطلعتهن تبوع للطريق وسيارا والهوسه نفس  هاي الهوسه بعقل هسه بس تفتح الاشاره كله تطلع تروح البيته بالي شون اصفي وصلنه البيت دخلت لكيتهم

كاعدين يشربون جاي ويمهم الناس الي اكرهم وشايله حقد دنيا عليهم ما نزعت الكعب ودخلت  بشموخ دنيا رغم نكساري قاطي الرسمي الاسود وحذائي الاحمر الي يغث الي يشوفه ونظراتي بيدي هي والايباد

:  هلوو شونكم

: هله يمه فوت 

: دخلت كعدت بنص الصدر بشموخ وعيني بعينهم

عيونهم تتنقل بين بعض ويشوفن تصرفاتي الي متغيره وافر هم مو بس متغير ومو بعيني احد منهم  كل الي بالي اشون اكسر عيونهم مثل دمر حياتي

: امي حبيبتي تعبانه تكومين تاكليلج لكمه

: لا حبيبتي ماما مرتاحه بس مشتاقه لهل جمعه الطيفه والكعده الحلوه
حجيته برفعت حاجب وامي تخزر متقبل بهل تصرف بابا كاعد بصفي حط ايده على كتفي طبطب عليه وكنو يكلي ادري بيج قويه بدون هل تصرف
: كومي بابا حبيبتي اكليلج لكه وارتاحي
: تأمر نظر عيني

للحكاية بقاية
انتظرونه في بارت قادم

بنات مو تنسون التصويوت على البارت 

اللهم صلي على محمد وآل محمد 

#زهراء_الركابي (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين	حوار مع الكاتبة السودانية شادية عبد المنعم حول الصراع المسلح في السودان وتاثيراته على حياة الجماهير، اجرت الحوار: بيان بدل

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات