عرض مسرحية عدو المسيح المثيرة للجدل

ماريو أنور

الحوار المتمدن-العدد: 1758 - 2006 / 12 / 8 - 11:32
المحور: الادب والفن
    

الفصل الأول أدم وحواء
(تفتح الستار والمسرح خال تماماً وصوتاً يدوي من خارجه قائلاً )
الله / في البدء خلق الله السموات و الأرض، وكان روح الله يرفرف على سطح المياه وقال الله ليكن نور ، فكان نور ، وفصل الله بينه وبين الظلام . ثم تعاقبوا أيام الخلق حتى جبل الرب الإله من تراب الأرض ، ونفخ في أنفه نسمة حياة فصار آدم نفساً حية و أقام الإله جنة في شرق عدن ووضع فيها آدم الذي جبله وضعه فيها ليفلحها ويعتني بها . وأمر الرب الإله آدم قائلاً ، كل ما تشاء من جميع أشجار الجنة ولكن إياك أن تأكل من شجرة معرفة الخير والشر لأنك حين تأكل منها موتاٌ تموت.
ادم/ إيه ده اللي أنا فيه , هو ده اسمه إيه.......... ، وده......... , وده.............. ، وده ............
الله / كل الحاجات دى أدامك سميهم زى ما أنت عايز من النهاردة دى خليقتك وأنت المتسلط و المسئول عنها .
آدم / ايه دة ... ودة ... طاب دة اسمه ايه ...قمر ... ودة أسمه شمس... ودة أسمه .......الخ
* الله يقول لآدم وهو مايزال يسمى الحيوانات بأسمائها
الله / وكان الرب الإله قد جبل من التراب كل وحوش البرية وطيور الفضاء وأحضرها إلي آدم ليرى بأي أسماء يدعوها ، فصار كل أسم أطلقه آدم على كل مخلوق حي اسماً له .
آدم / وأنت أسمك حصان .. وأنت حمار ...وأنتي حمامة ... وأنت نسر... ودي نجوم
* يداعب آدم الحيوانات و الأشجار ويبدأ في تأملها بعد أن أعطاها أسمائها.
آدم / أنا مش عارف أتكلم مع حد ، هو دا كله لوحدى بس ، أشمعنى الحيوانات ذكر وأنثى ، هل هوا دا قصدك يا رب إني أكون لوحدى ودول أصحابي (يشير للحيوانات) اللي يشاركوني حياتي ؟!!!
* يبدأ آدم في البكاء حتى ينام .
الله / فأوقع الرب الإله آدم في نوم عميق ثم تناول ضلعاً من أضلاعه وسد مكانها باللحم وعمل من هذه الضلع امرأة احضرها إلى آدم .
* يستيقظ آدم ليجد بجواره الامرأة .
آدم / إيه داه ...مين ديه .
الله / شريكتك
آدم / شريكتي أنا .. هيادى ......(يتأملها بفرح وهيا نائمة ويداعبها حتى تستيقظ )
حواء / أنا مين ، وفين ؟
آدم / أنتِ شريكتي ..أنتي امرأة ....لأنك أتخذتى من امرئ .

حواء / امرأة !!!
آدم / أيوة امرأة ....... مراتى أنا ........... واسمك حواء لأنك هتكوني أصل كل حي .
* (يأخذها آدم ويبدأ في تعليمها أسماء الحيوانات والطيور التي أطلقها على خليقته وعند شجرة الخير والشر )
آدم / خلى بالك يا حواء ، ربنا قالي , من كل شجر الجنة نأكل ما عدا الشجرة دي .
حواء / أشمعنا
آدم / مش عارف ، ومش مشكلتنا ، هوا عايز كدة.
حواء / ماعنديش مشكلة ,...... بس ليه يعني عشان أجملهم والا أحلاهم ...... ولا عشان حاجة تاني آدم / حواء احنا مش عايزيين مشاكل ، احنا مبسوطين هنا ، ولا أنت عايزة تسيبي المكان الجميل داه ، والخير دا كله ، ......... احنا لو اكلنا من الشجرة دى هنطلع من هنا ... فهمتى ولا لأ ....
حواء / طيب ... طيب ... أنا بس كنت عايزة أعرف ... تعال عرفنى بقية الأسماء .
* يستمر آدم في تلقينها باقية الأسماء ولكنها بين حين و حين تنظر إليها مختلسة النظر إليها ، وعند جلب آدم لثمرة من التفاح إليها تتجه حواء نحو شجرة الخير والشر وتتأملها بإعجاب وفجأة يظهر شخص من خلف الشجرة .
حارس الشجرة / إزيك
حواء / أنت مين .
حارس الشجرة / أنا ...... أنا حارس الشجرة دي
حواء / أنت ... إزاى .... وليه ما قليش آدم عليك
حارس الشجرة / معلش يمكن يكون نسي أو قاصده حاجة .... أو قاصده أنه ينسى
حواء / قاصده ايه
حارس الشجرة / مش قاصدي ... سيبك من آدم ... هوا فين
حواء / راح يجبلي تفاحة من الشجرة اللى هناك
حارس الشجرة / وهوا فيه أجمل من تفاحة الشجرة دي في الجنة
حواء/ بجد ... لا مش عارفة ... أصل آدم قاله ان ربنا قاله ممنوع ناكل من الشجرة دي ... وطبعاً أنت عارف ليه
حارس الشجرة / (بإستغراب ) ليه ............. أنا أول مرة أسمع الكلام داه هوا قالك كده
حواء / آه ......... أنت ما سمعتش خالص
حارس الشجرة / دا أنا باكل منها .... بس أستنى كده (يفكر) .........آه فهمت
حواء / فهمت إيه
حارس الشجرة / مش مهم ..... أسيبك أنا
حواء / أستنى ............... أنت هاتسيبنى ، وأنا مش فاهمة حاجة
حارس الشجرة / بجد ............ بجد ربنا قالكم ماتكلوش من شجر الجنة ؟
حواء / لأ .......... ناكل من كل الشجر ما عدا الشجرة دى عشان يوم ما هناكل منها هنموت
حارس الشجرة / (يضحك ) تموتوا ... هوا قال كدة
حواء / أنت بتضحك كدة ليه
حارس الشجرة / أصل انتوا مش ها تموتوا لو أكلتوا منها
حواء / (با ستغراب ) إيــــه
إبليس / أيوة مستغرب ليه ... أصل هوا عارف انه لما تكلوا منها ، ها تبقوا زيه يعنى مثله ، وساعتها تعرفوا تميييزوا بين الخير والشر وبين الصح والغلط .
• تبدأ حواء في حيرة شديدة وتبدأ بالدوران حول الشجرة ، وفجأة تقطف منها ثمرة وتبدأ بأكلها
حواء / دى جميلة قوى
حارس الشجرة / مش قلتلك ... دى أجملهم
• يظهر آدم مبتسماً بإتجاه حواء وفجأة يفزع عند رؤية حواء تأكل من الثمرة
آدم / إيه داه .... إيه اللي بتعمليه داه
حواْ / (في ارتباك) إيه ......... أنا ....... دي ........ دي تفاحة .
آدم / (بحسرة) أنا مش قلتلك متكليش منها
حواء/ آدم صدقني ... أنا مش قصدي حاجة .. بس لازم تفهم ان ربنا مكنش عايز مصلحتنا
آدم / (باستغراب) إيـــه
حواء / أيوة ... صدقني ... أنا مش بكدب عليك ... دا كان عايزنا منعرفش نميز الصح والغلط ... حتى إسأل حارس الشجرة وازاى هايعقبنا على شجرة موجودة كل يوم قدام عيوننا . لاننا أكيد هناكل منها, وليه اساسا ساب حاجه ممكن تضرنا وسطنا هو مش خايف علينا, والا هايعقبنا على حاجه هو زرعها وسطينا
آدم / (يفكر) مش عارف يمكن ..... يمكن ...... واحنا مالنا
حواء / ازاى يعنى ربنا يدينا الحاجه وبعدين يعاقبنا عليها هو دا العدل . يدينى حرية و يعقبنى عليها , يدينى شجرة ويطردنى بسببها , يزرع الشر وسطنا ويحاسبنا عليه هو دا العدل الألهى؟!!!!!!
آدم / ( بأستغراب ) بس..... بس.... كده يبقى ......
حواء / قولها .... ماتخافش يبقى .... يبقى ...ظلم.
آدم / (يفكر) فعلاَ أزاى يدينى الحاجه ويزرعها فينا و يعاقفبنا عليها .....أيه ده..ايه أنت مين ....
حواء / حارس الشجرة ......
آدم حارس شجرة أيه
حارس الشجرة / مش مهم دلوقتي أنا مين . المهم أن كلامها صح .... هوا كان عايز كدة
آدم / بجد ........ طاب ليه عايز يبعدنى عن حاجه ويخليها قدام عنيا عالطول هو مش بيحبنى طاب ليه سيبها قدامى وهيا ممكن تئزينى.
حواء / مش هاتئزيئ ياآدم خد كل منها خليك واثق فيا
حارس الشجرة / لو عايز تتأكد ........ كل من التفاحة ....... دي جميلة قوى .........
آدم / وريني كدة ... الله دي جميلة قوى
حواء / مش قلتلك
• وفجأة رعد وأمطار وصوت خارجي يقول لآدم
الله / أنت فين يا آدم (عدم رد)
الله / آدم أنت فين
آدم / أنا ... أنا ..... أنا لما سمعت صوتك قلت استخبى ، أصلي عريان
الله / ومين قالك أنك عريان ..... هو أنت أكلت من الشجرة
آدم / شجرة ..... شجرة إيه.
الله /شجرة الخير والشر .
آدم / (يشير إلى حواء ) هيا اللي خلتني آكل منها
حواء / أنا ... لا لا ..... دا حارس الشجرة
حارس الشجرة / وأنا مالي ..... دي هيا اللي أكلت منها لوحدها ، أنا ما أكلتهاش غصب عنها
• يتبادلون الاتهامات فيم بينهم و حارس الشجرة يضحك
والملائكة تطردهم من الجنة
الله / وهكذا طرد الإنسان من الجنة
فهل طرد آدم على حق أم بظلم ؟ هلى هو من وضع الشجرة؟ وأن كان الله فلماذا تم معاقبته على شئ لم يضعه هو ؟ أجوبه صعبه لاله مقدس لا نستطيع الاقتراب منه..........!!!!!!!!!!!!!!!!!!!
الفصل التالى

#ماريو_أنور (هاشتاغ)      

---

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات