هضيمه

خلود الحسناوي
اعلامية وشاعرة
(Khulood Sabri)

الحوار المتمدن-العدد: 7713 - 2023 / 8 / 24 - 11:21
المحور: الادب والفن
    

من ضيم العليه
ومن كثر صدك
چتفت الدمع لمن نزل للگاع ....
ومن گد الخيانة النايمه بسدك
ماتدري ..
ولا تدري ،
گليبي طير وعلگ اوي اسماك ،
مايحمل هضم وفراگ
وچن دمه بنهر مسفوح ..
ياوسفة
ياوسفة وهضيمه
انه طلعت غلطان ،
وضنيتك وفي ؛ وتلم شظايا الروح
اول ما صحت جيتك ركض وبساع ..
ماقصرت ..
شگد ضحيت
شگد حنيت ..
بس انته وفي ،
وبيك الوفاء ينوح !!..
طبعك صاير من الحنظل أمر ياذيب ،
يامن امنت عندك هوى العشاگ..
شو خنت الملح والزاد !!؟
وماخليت للود ؟
لا رجا ولا باب ؟
صار يعز علي شوفك يبعد الروح ..
مو بس هاي لو تدري ،
خلصت العمر وياك
عركة بسوح ..
وون ونوح ،
وبعت الفات والعشره ..
هيج ؟
بساع ؟
هضيمه الراح من عمري ..
حزن ودموع
ماشفت الفرح فد يوم
راح الراح
وضاع الضاع
ولايرجع ابد يفلان ،
لانه انباع .

#خلود_الحسناوي (هاشتاغ)       Khulood_Sabri#          

---

اشترك في قناة ‫«الحوار المتمدن» على اليوتيوب
حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين	حوار مع الكاتبة السودانية شادية عبد المنعم حول الصراع المسلح في السودان وتاثيراته على حياة الجماهير، اجرت الحوار: بيان بدل

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات