أم حســــيـن *

ميسون نعيم الرومي

الحوار المتمدن-العدد: 7558 - 2023 / 3 / 22 - 00:50
المحور: الادب والفن
    

عشرين اسنين اتجر اسنين
تفـرج گالوْ بالخمســــيـن
بوگ او ذبح اوممنوعات
جوه (الجبه) باســم الدين
-(دستور) امفصل تفصال
*(مصْرَع) يفتر بالصوبين
شكبان (اوعود) او موعيدين
نامي اوحلمي يم حســـين
***
-(الخزنه) انقسمت اقسام:-
*(لشباح) السلطه المخفيين..
وايران التغرف بالكيف..
اوكروش الماتشبع .. تدرين
وصنعاء او سوريـَّه اوبيروت
وما ننسه حصة (بوتين)-
وعـْـدَوْ تفرج بالخمسين
اتغطي اونامي يم (حسين)-
***
طهران اوياهه اسطنبول
لعبت بينه من عـقـديـن
واعراق الخير المهجوم
بيدين الخونه المبطوحين
ماي الله المگطوع امن ازمان
*و(فرات) او(دجله) المذبوحين
دگي اولطمي يم حسين
حلفـَـوْ تفرج بالخمسين
***
انذبحت (آلاف) الشــــبان
دمهم يجري من (تشرين)*
وابدمهم بدلوه (القانون)-
*(سانت ليگو).. تتذكرين..
والسيد ابدا (ما معذور)*
خلاهم بينه ايلعبون
لا چـَن ضحينه !!
اولاچن مرت عشرين..
امن البدوه او ردينه يم حسين
ابدم ابنچ (حنيهم) يم حسين
گالوْ تـفـرج بالخمسين
---------------------------------------------
أم حسين :- كناية عن الأمهات العراقيات
---------------------------------------------
*(مصْرَع):- لعبة من لعب الأطفال تدور حول نفسها بسرعة
---------------------------------------------
*أشباح :- اقصد الموظفين الفضائيين (الوهميين)
وكذلك الذين يستلمون اكثر من راتب واحد.
الذي يبلغ عددهم اكثر من نصف موظفي العراق
-------------------------------------------------------------------
دجلة والفرات:-وكما صرح وزير الري العراقي
ان إيران وتركيا قطعتا المياه بشكل كامل عن العراق
--------------------------------------------------------------------------
*تشرين :- ثورة تشرين هي تظاهرات اندلعت في 1 تشرين الأول سنة 2019
في بغداد وبقية محافظات جنوب العراق
احتجاجاً على تردّي الأوضاع الاقتصادية للبلد
وانتشار الفساد المالي والإداري والبطالة
والتي اعطت أكثر من ألف شهيد وأكثر من 25000 معوق وجريح
-------------------------------------------------------------------------
*سانت ليگو:- او ما يسمى قانن بريمر. اول قانون للأنتخابات في العراق
------------------------------------------------------------------------
السيد:- مقتدى الصدر الذي تنازل عن العملية السياسية
بعد ان كان الرابح الأول في الأنتخابات
فشكل الخاسرون الحكومة الحالية
---------------------------------------------------------------------
21 / آذآر/ 2023
ســـــــــــــــــــتوكهولم

#ميسون_نعيم_الرومي (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات