نورا فريد ميخائيل
الحوار المتمدن-العدد: 7352 - 2022 / 8 / 26 - 19:47
المحور:
الادب والفن
قاومنا الإحتلال بشده
لما كنا يد واحده
خرّجناه من بلدنا
كسبنا المعركه 👍
#########
واجهنا حكام طغاه
قولنا سوا ميه آه
و رفعنا إيدينا لله
كسبنا المعركه👍
#########
ف الريف و فى المدينه
حصدنا وصنعنا بإيدينا
شفنا فرح وناس حزينه
ياما واسينا بعض 💥
#######
ف الإنجيل والقرآن
آيات تسمو بالانسان
والقداس والآذان
صلوات زي بعض💥
########
طب ليه بيفرقونا
بكلامهم يقرفونا
واحد يقول
دا مش اخونا
كرههم دا واجب وفرض 💥
#########
بلدي عشان تقوم للأمانه
صاحب الحق ياخده
منبصش للديانه
المتفوق لو محدش حقه
دا للدين والبلد اكبر مهانه
لبلدنا فشل وخزي وهد💥
#########
لا واسطه ولا محسوبيه
ولا كوسه بالتقليه
ميوصلش حد لمكانه
غير لما يبقي ميه ميه
يكون بارع وقد القد💥
########--$--
بحلم ييجي ياليل
يوم ف بلدي يكون
من احمد زويل
ومجدى يعقوب بالمليون
مش مهم مسلم مسيحي
او حتي بيعبد آتون
المهم بلدنا تكبر بالطول أو بالعرض💥
#نورا_فريد_ميخائيل (هاشتاغ)
كيف تدعم-ين الحوار المتمدن واليسار والعلمانية
على الانترنت؟