محمد نور الدين بن خديجة
الحوار المتمدن-العدد: 7305 - 2022 / 7 / 10 - 23:18
المحور:
الادب والفن
الشك وسلوكو ..
****************
لاشك ف الشك
منين يشك
ويشك ف شكوكو ..
كيفاش هذا تنفخو حنوكو !؟..
وكيفاش ذاك خاتم صكوكو !؟ ..
ولاخر بلالاه وسيدو وبعلوكو ..
شي مورق
وشي مبرق
وشي بالشك تعزلو سلوكو ..
ايلا كنت واضح
والحق تلوكو ..
شك ف ميزان لحمك
وعاود وزنو
وسول الشك
منين دازت شحمة للحمة
ومنين طلات وحمة السرقة
ف حنوكو ..
وعلاش طبل كروشو
يدندن بلهطو وبهوتو
ونصبة بنوكو ..
…
…
لاشك ياشك
ف الشك
منين يشك
ويحقق ف قوالبو وسلوكو ..
** زجل : محمد نور الدين بن خديجة
كتبت في 14 يونيو من سنة 2013.
#محمد_نور_الدين_بن_خديجة (هاشتاغ)
كيف تدعم-ين الحوار المتمدن واليسار والعلمانية
على الانترنت؟