شو اعمل لقد هدومي؟

عماد ابو حطب

الحوار المتمدن-العدد: 7305 - 2022 / 7 / 10 - 02:48
المحور: الادب والفن
    

وقفة عرفة /1*
شو اعمل اقد هدومي؟
والله معكم حق..تخنتها انا بسوداويتي،عشان هيك قررت اغير المود.. قمت حلقت ذقني اللي صارلي شهر مربيها،خلعت التي شيرت الأسود ولبست واحد مزهر ومزهزه ،وقلت اطلع على باب البناية بلكي بيتغير مزاجي والله بيلهمني كم سطر غزل بيفرحوا قلب الأصدقاء..لسه ما وقفت على الباب إلا بتهل جارتي التركية اللي احتفلت من يومين بعيد ميلادها التاسع والستين،وللعلم فقط هي تجيد العربية قراءة وحديثا..اقتربت مبتسمة وقالت:"كل عام وانت بخير عمو"..هنا لولا ستر الله ولطفه كان انجلطت جلطتي الرابعة بالزور مسكت حالي عشان ما اقد ملابسي وتتهمني بالتحرش فيها.. ،درت بوزي عنها وما رديت،مش تسكت وتتسهل على بيتها ،اقتربت حتى كادت تلامسني وصرخت بصوتها العالي :"شو انطرشت كانك..قلنا لك كل عام وانت بخير حجي ليش ما عم ترد.مش اليوم وقفة عرفة وانت هيك واقف؟....لعنت الساعة اللي قررت فيها اطلع اغير جو واكتب غزل...ايه احمدوا ربكم ما نزلت لكم فيديو وانا عم نط من سطح الطابق الخامس...قال عمو قال...وقال حجي...🤦‍♂️ وكل غزل والجميع بخير 🤦‍♂️🤦‍♂️

* نصوص جديدة من مجموعة جديدة قيد الإعداد

#عماد_ابو_حطب (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين	حوار مع الكاتبة السودانية شادية عبد المنعم حول الصراع المسلح في السودان وتاثيراته على حياة الجماهير، اجرت الحوار: بيان بدل

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات