أوراق حراك تشرين 2019 الحلقة 39

سلام إبراهيم
روائي
(Salam Ibrahim)

الحوار المتمدن-العدد: 7180 - 2022 / 3 / 4 - 15:39
المحور: الثورات والانتفاضات الجماهيرية
    

يوميات

الآن من كربلاء
اعذرونا مانگدر نصور ،، الوضع في كربلاء الأن
الساحة الان بيد جماعة مقتدى
القوات الأمنية موجودة بكل اصنافها بس ماتگدر تحجي ،
يتم الان تفتيش الخيم ، وبعض المناوشات هنا وهناك
اي شخص يحجي ينكتل اي واحد يباوع ينكتل
منع استخدام الموبايلات تفتيش بعض الاجهزة ، يسمح نقل مباشر بأمرهم
شهداء ماكو لحد الان ، جرحى في صفوف المتظاهرين
وماعدنه حصيلة بسبب صعوبة الوصل إلى المستشفى،
حرق خيم ماكو لحد لأن ،،،
اني بساحة هسة ،، نتمنى تهدئة الأوضاع
الشفاء العاجل للمصابين .
على النواب
من ثائر عراقي في التحرير
6-2-2020
(طلعتوا اقبح وأكثر اجرام من الفصائل المسلحة الإجرامية الأخرى
ذولاك جانوا يكتلونة ويتبرون من عملية القتل ويحاولون بكل طريقة التنصل من الجريمة وإبعاد نفسهم عنها،
انتم اقبح وانذل منهم
لان تكتلون بينه وتبررون عملية القتل عبر صفاحتكم الشخصية وصفحة زعيمكم بدون مستحة من الدم!
ماكو واحد اقبح منكم، بس الي دافع عنكم وحاول طول هذه الفترة يجمل صورتكم الحقيقية وما كال عنكم قتلة ومجرمين هو هذا اقبح منكم وشريكم بالدم
حيدر ابراهيم من ساحة التحرير بغداد)
تفضلوا
6-2-2020
بعد أن أرتكبت ميلشياتهم مجزرة في ساحة بالنجف خرج المعممون للصلاة في نفس الساحة شماتةً ومباركة لطرد المتظاهرين العزل المطالبين بوطن وخبز في بلد من أغنى بلدان العالم
شوفو كيف يتوضئ المعممون بدم شهداء البارحة في ساحة الصدريين بالنجف
يصلون صلاة التشفي بالشهداء المطالبين بالوطن وحقهم بحياة كريمة
تبا لكم
ولعمائم الخزي والعار
23 شهيداً و197 جريحاً 16 من بينهم حالتهم حرجة بحسب اخر احصائية لدائرة صحة النجف
مجزرة_النجف
من يقف وراء هذا ؟؟؟
سلام إبراهيم
فرات المعمار
الدقائق الاخيرة من مجزرة النجف كنا فقط شاهدين على ماحصل للجرحى
أنا والاخ الشجاع الغيور اثير الشمري
خيمه مساحتها 4×4 مليئه بعشرات الجرحى والشهداء السبع
عدد المسعفين ثلاث وأنا تطوعت للعمل معهم لكثرة المصابين
دخلوا المجرمين على الجرحى وبدأو بالضرب عليهم
احدهم كان ميت بين يدي،لكنه استمر بالضرب حتى قلت له ( يا اخي ميت ليش تضربه)
وفجأة وجدت اثير يدافع عن الخيمه ويمنعهم من الدخول
لقتل الجرحى، لكن لكثرتهم وقفت معه ومنعت اي احد من الدخول،وتم الاعتداء علينا بالفظ وبعضهم ارادوا ضربنا
حتى تدخل شخص منهم اعرفه وايضا منعهم.
الى الان لم اشاهد هكذا مجزرة حتى في الراويات
جرم عظيم بمعنى الكلمة
اكتب هذه الكلمات لابرئ ذمتي امام الله
لاني كنت شاهد على ماحصل للجرحى اثناء اسعافهم
يوم غد هي الذكرى الثانيه للمجزرة
سنحي ونستذكر شهدائنا الابرار الخالدين
شهداء تشرين العظيمة
2020/2/5
#مجزرة_النجف
حرس مقتدى (قبعات زرق) = الحرس القومي
مبرووووووك للشعب العراقي المهضوم
عاد الحرس القومي وليد البعث في 8شبط 1963 وارتكب مجازر ليس لها مثيل
بنفس الشهر من عام 2020 بصيغة حرس مقتدى الصدر ليرتكب المجازر وبطريقة علنية أبشع
مقدمة لدكتاتورية دينية تريد الجثوم على الشعب العراقي مثلما جثم البعث قرابة 50 عام
(قبل دقايق جنت بساحة الحُرية (الصدرين) :
الساحة حالياً بيد جيش المهدي(ملثمين) ومسلحين هم، اضافة الى المعممين، اذ يشكلون نسبة 90% تقريباً من اعداد الساحة، وبعض الخيم محروقة، وكُل الخيم متروكة، ومشاهد مُرعبة كلش، وخوف، ما اكدر اوصفها.
طبيت وانا خايف، الكُل ملثم ويباوعلك بنضرة حقد، وما يطببون أي واحد جان موجود بحادثة امس، وقبل ما ادخل للساحة شفت شباب متظاهرين صايرين شويه عن نقطة تفتيش الساحة، جانوا متواجدين امس ، سالتهم عن دخول الساحة، كالوا : "ميطببون واحد جان موجود امس"
وللمعلومة : جيش المهدي اللي متواجدين حالياً بالساحة اللي علساس نقوا الساحة من المندسين، وهسه ديحموها، هم نفسهم اللي امس اعتدوا ورموا على المتظاهرين الأحرار بالساحة، وحرقوا خيمهم، ونفسهم اللي جانت خيمتهم بالساحة، ونفسهم اللي اعتدوا علينا ورموا علينا طلق حي، بتقاطع جسر الكوفة، وحتى شفت الشخص اللي حاول يختطفني هم وياهم.
بهاي فعلتهم، علساس هم نضفوا الساحة من المندسين !
وشفت اكو كتابات بداخل الساحة همَ كتبوها، مكتوب " كلا للمندسين "، ما اعرف منو يقصدون ؟
يعني اللي يرفض محمد توفيق، يصير مندس؟
يعني اللي يهتف ضد مقتدى، مندس؟
من الاخير : كل شخص ما يحب مقتدى بنظرهم مندس.
عموماً، ساحة الصدرين شبه محتله، ومقيدة من قبل الصدرين، الى درجة الساحة سنطة ومحد يكدر يحجي، مو كُل الناس تدخل، ويدخلون الناس على مزاجهم، ويطلعون بالناس على مزاجهم ! ، وحتى اذا طبيت ممنوع تصور، وما كدرت اصور شي، لان اذا شافوك تصور وما ارتاحولك، راح ياخذون مبايلك ويدورون بي، واذا لكوا شغلة تخص حادثة امس او مقاطع فيديو تثبت جرائهم او أي شي يمس الغائد، راح يعتقلوك مباشرةّ، يعني اذا تدخل للساحة تحس روحك داخل بسجن !
اتوقع فتنة حرب "شيعية بشيعية" راح تبدأ من النجف.
د. رسول_الشرع 6-2-2020
اخوتي أهل النجف فزعتكم محتاجين عدة إسعافات؛ بلاستر، بوفيدون، ايودين، گوز، شاش، نورمل ، سلاين.
لان المفارز تهجرت من أماكنها وجاي تصير مفارز متنقلة
حاليا مفردتين عدنا وحده بداية شارع الروان وبشارع الكوفة مقابل حلويات بغداد.
شاركوا الخبر أحبّتي ليصل لكلِّ الخيّيرين.
6-2-2020
‏ما يحدث في ⁧‫النجف‬⁩ جريمة واضحة يرتكبها مقتدى الصدر عن اصرار ورسالة إرهابية يبعثها لكل ساحات الاحتجاج في ⁧‫العراق‬⁩، يريد أن يثبت للنظام أنه حاميه الوحيد، هدف الصدر السيطرة على النظام بالكامل وتنصيب نفسه ولي فقيه سياسي لا يتمرد عليه أحد. بات مقتدى قوة بلا قيود، الشارع فقط من سيسقطه..
- صفاء خلف
نداء ثائر من النجف
6-2-2020
حبايب
في حال تعرضي لأي شيء لا سامح الله
هذي الثورة ذمة برقابكم لا ترجعوا الى بيوتكم إلا وأنتم منتصرون .
مستقبل أطفالي و أطفالكم كله متعلق بهذه الثورة فلا تخذلوهم .
تصبحون على خير
احمد عدنان
اثناء مسيرتنا بالتحرير للتضامن ويه النجف، الصدريين سحبوا 3 شباب من نهاية المسيرة واخذوهم للخيمة مالتهم..
رحنالهم حتى نطلعهم صارت مشادات وما فاد، وانوب كالوا اتصلنا بالقيادة ونشوف شراح يصير..
ولحد الآن الولد جوه يمهم.
منقول من احد شباب المسيرة
رجعو ولدنا ياارهابيين
6-2-3030
كما ورد الان
النجف تستغيث الان
# أنقذونا
بيكبات مدنية بدون ارقام تلاحق الناشطين المدنيين والمتظاهرين في الازقة والشوارع
اعتقالات بالجملة
السلاح منتشر في كل مناطق النجف والوضع على شفى حفرة
الساحة تم السيطرة عليها بالكامل من قبل الصدريين
المتظاهرون يستنجدون بالاعلام وبالحكومة لتخليصهم يريدون العودة الى بيوتهم
سعدون محسن ضمد
5-2-2020
رئيس مجلس النواب، رئيس مجلس القضاء الأعلى، رئيس المحكمة الاتحادية، رئيس الجمهورية، "رئيسي" مجلس الوزراء..
ما هذه الحماقات التي ترتكب تحت انظاركم وبشرعية من سلطتكم؟ الأمم تتفرج عليكم كيف تقتلون اهلكم وتذبحون ناخبيكم، العالم كل العالم يوثق، التاريخ، ورغما عن انوفكم، يسمي هذا الذي يحدث في الساحات ثورة، ويعتبركم سلطة غاشمة قمعية تقف بوجه التغيير وتحمي الفساد وتتستر على الجرائم وتحمي القتلة.
هذه مدينة النجف أيها الـ(متدينون) هذا علي لو كان لعلي قدسية في قلوبكم، كنتم تتباكون ان صدام وجه مدافعه إلى هذه المدينة ولم يكترث لقدسيتها، وأنتم الآن تشعلون بها الحرائق وتقتلون شبابها لأنهم يحتجون على الضيم والفساد والفقر.
إذا لم توقفوا هذا النزيف البشع، فعمّا قريب سيعتبركم العالم مجرمي حرب، وسيطالب بمحاكمتكم.
نداء معتصم نجفي
نــداء
بدو يلحكون ورانه بالدارجات ع حي الامير خلي ناس تفتح بيوته بساع فدوه حته بالبيكمات وسدو جسر الصدر علينة وهسه بالفرع نركص منعرف وين نطي وجهنه
أهل النجف صدگ تحچوا ولدكم ذولة فتحوو بيوتكم عليكم العباس دخلوهم لا تخلوهم يقتلوهم فدوه اروحلكم...
شاركوا فدوة
مجزرة ارتكبت اليوم في النجف...سقط اكثر من 117بين شهيد وجريح !!امام أنظار الشرطة والأمن ! بعد حرق الخيام توجهوا للقتل!!....النجف تستغيث..
فدائيي مقتدى -صدام- يوغلون بدماء الشباب العراقي في النجف
تبا لكم من قتلة
الجريمة تسري بدمكم
الشهيد السيد خليل القزويني لاعب المنتخب العراقي للكراتيه
الشهيد مهند القيسى طالب فى كلية الهندسة
الشهيد حسن طالب في كلية الآداب
ارهاب_القبعات_الزرقاء
النجف لن تنحني يا سفلة
تعذيب المتظاهرين
8-2-2020
ممارسة مليشيات أحزاب الطوائف القذرة بحق المتظاهرين السلميين في محاولات لإذلالهم بعدما عجزوا عن كسر شوكتهم
أشكد سفلة أنتم وبلا ضمير ولا اخلاق
وشكد جبناء
شوفوا
تفضلوا
الشاب أحمد تيتو "احد معتصمين التحرير" طالب جامعي في كلية الفارابي
تم خطفه قبل يومين من قبل العصابات الاسلا-ميه الار-هابيه اطلقوا سراحة بعد التعذيب .
- لا يوجد شرف لا بنهجكم ولا عقيدتكم يامجرمين
- ثورة تشرين وشبابها اقوى من ارهابكم المقدس وسوف نحاسبكم بالمستقبل القريب .

#سلام_إبراهيم (هاشتاغ)       Salam_Ibrahim#          

---

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات