اشگد صَلِف

ميسون نعيم الرومي

الحوار المتمدن-العدد: 6779 - 2021 / 1 / 5 - 23:15
المحور: الادب والفن
    

ميسون نعيم الرّومي

آخ الزمان اشگـد صَلف - عـيـنَـه وكيـحَـه اوما تـِرِف
يجـرَح ايغَـمّگ بالجَـرح - ماعـنْـدَه صاحب لا ولف
مَـيّـت گـلب مايـنْـوصف - شــاطر الأوَل .. بالبَـلـــف
چم آخ منك يازمن
***
يـهْـدي مصايب ما يعـف - يـحسـب يخطط وابْـعرف
لو يـولي واحـد ما رحم - بَـذّات دومَـه للأسـَــــــف
لالـَـه دوَه اومالـَـه شِـفَــه - هَــدّ الـِـوْلايَــه والسَــــلـَف
وياك تالي يازمن
***
خـايـن اشْـمالـَـك يازَمَـن - باليـنَـه بَـلوَه بـالمِـحَــــن
اسنين العمر تبچي .. تون - جور اوقَـهَر بَس نمتحن
مـنَّـك سَـهَـمْنَـه چـا حزن - مـن الدَمع مَـل الجـفــــن
آخ امتحانك يازمن
***
باليـنَـه بَـلوَه هالزَمَــــن - غَـرَّگ بَـلمْـنَـه .. والسـفـن
كـل العـمر نـبْچي اونونْ - الليل يخلص ..؟ ما اضن
هَـدّ الجـبَـل هذا الشَـجَـــن - عَـفْـيَـه عَـليَـنَـه اوما نِجـِـن
ادخيل بختك يازمن
***
نـعْـتـب اونحچي اوننتـظر- تـاه الفَـرَح ضاع العـمــر
الضيَـم هـودَر واخْـتـمَـر - والحزن عَـشْـعَـش واعتمر
بالروح نـارَه چَـن جَـمـــر - حـيَـف اوألف سـاد القـَـهـَـر
نشتكي منك يازمن
***
ظلمَـه شَـمسْـنَـه اويه البَـدر - باگــو النَجْمَه اويه الگمَـر
لاظـَـل ذَهَـب لا ظـَل صفر - راح العشگ !!! باقي الأثر
والأثـر يحفر بالگلب – والحصه صارت بس سهر
ياويلي منك يازمن
***
يا مغزل الحب كف غـَـزِل - تغزل ابصوفك تلف
آخ الزمان اشگـد صَلف - عـيـنَـه وكيـحَـه اوما تـِرِف
بمصايبه ياذي البشر – ضيعنه يادنيه العرف
چم آخ منك يازمن
----------------------------------
5 / كانون الثاني / 2021
ســــــــــــــــــــتوكهولم

#ميسون_نعيم_الرومي (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات