الى ثوار العراق اهدي هذه الأبيات

ميسون نعيم الرومي

الحوار المتمدن-العدد: 6748 - 2020 / 11 / 30 - 17:23
المحور: الادب والفن
    

(ذيقار) جرحچ نزف ! شيشلـَّه ؟ شيداويه ؟
مستگوي بسلاحه النذل ع القتل هالناويه
***
صبحت الحبوبي اليوم تبچي حزنهه
حرگوْ (خيمهه) ابـليـل ذبحـَـوْ ولدهه
***
وجهك صبح مكشوف واتنادي بالمـوت
انغشينه بيك اهواي تالي اطلعت حوت
***
حسـَـبـّـنـَه انت الزين تحمي التظاهر
واســـلاحك الغدار ع الشعـب شـاهر
***
ما يرحمك (تاريخ) (تـتـبـرگع) ابعار
تخون (الحسين) اشلون ؟ واتناصر الجار
***
اتخون الأمانه اشلون هالجاي الحساب
سـمعه اخسـرتـه اليوم والطبع غـَـلاّب
***
ربعك ثـبـت اشـرار ذبحـوا ولدنـَه
وابكل وكاحه اوغل چنهم عدوْ النه
***
يا وطن ولدك ليش؟ (بـَـيـسـَـوا) بـيهـم
يا شـعـب دمهم ســال ! عـندك دواهـم
***
للجاره حـَـفـْـنـَه ايتام رادوا يسلموك
شعب الأصيل اشلون يرضه يذلوك
***
يا شعب ولدك ذول تـتـرجه فزعه
تلتحق بالسـاحات باغي اوتـشـلعه
***
ولد (العـراق) اليوم يا رَفـْعـَـة الراس
اتطهر الأرض والماي من ذوله الانجاس
***
آخ او ألف چـَـم آخ ذبـْحـَـوا ولدنـَه
-(اثمنميه) حدرالگاع ! انهض شعبنه
***
صاروا صور واسماء فوگ الحياطين
كتلوا ولدنه اذناب امن اجل الثعابين
***
ابهيده يهالجناز من تمشي هونك
ام الشهيد اتصيح يـوليدي وينك؟

#ميسون_نعيم_الرومي (هاشتاغ)      

---

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات