بَس اغضب

ميسون نعيم الرومي

الحوار المتمدن-العدد: 6710 - 2020 / 10 / 21 - 14:51
المحور: الادب والفن
    

خافنك تنسحن خليك ..لا تغضب
نايم بالعســل والناس تـتعـَـذّب
حطلك خضرمه لوعفصه لو سن ذيب
بين الدول طاووس تتگـلب
ادخيلك دولتك نتمنه لو تغضب
***
چنك منبطح تتلگه بالصگعات
لاذمه بقت لا خجل للموت تتسبب
اسمع اوافتكر تاريخ موش ابعيد
وابكرسي الحكم لا تبقه وامچلب
فدوه الدولتك ننتظر بس تغضب
***
محد ينفعك تتخله كلهه ابساع
تخلص زفتك والعرس يتغيب
وعودك للشعب ماتزهر اولا تثمر
چنك ع الچذب كل يوم تتدرب
فدوه الطلتك ارجاك بس اغضب
***
دم الشباب المابرد حيل ايصيح
القاتل تعرفه واتريد تتهرب
حدد موقفك ما ينفعك وجهين
-(لمريكا) تنحني او(ليران) تتقرب
انذرلك نذر بلكت صدگ لو تغضب
***
اسمع دولتك لا تمشي ع الحبلين
الكعكه اتقسمت والوطن يتسلب
الگبلك بالحفر جرذان مدفونين
اصحه واتعظ للذله تتجنب
اذبحلك طلي لو صارت اوتغضب
***
السلطه عاهره تغريك تلعب بيك
وجهك للشعب يحميك ما تتعب
فرصه ضيعت والفرص موش اهواي
تعرضهه الدول والشاطر اليغلب
جربت الحلم !! بس جرب او اغضب
فدوه الطلتك سويهه بس اغضب
اغضب!!
-------------------------------------------------
21/تشرين الأول/2020
ســـــــــــــتوكهولم

#ميسون_نعيم_الرومي (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين	حوار مع الكاتبة السودانية شادية عبد المنعم حول الصراع المسلح في السودان وتاثيراته على حياة الجماهير، اجرت الحوار: بيان بدل

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات