حلبونه حلب

ميسون نعيم الرومي

الحوار المتمدن-العدد: 6686 - 2020 / 9 / 24 - 21:37
المحور: الادب والفن
    

سراق الوطن بالخيرمتنعمه
جايع يا شعب غرگان بالخيبات
ظلمه هالصفت والدنيه چن تنور
وافلوس الكهربه ليران مليارات
***
حلبونه حلب والقصد خو معروف
اموال اتفرهدت چا وين الضوايات
خيرك يا وطن للجاره تلعب بيه
دمروهه الصناعه او ذبحوا الزرعات
***
مثل كل سنه اوهاي السنه اومثل العام
شبت النار وصبحت مشتعله بالحنطات
ومثل كل ســنه هذا السـمچ هالكتلوه
يشـكي للسـمه وامترّســه المايات
***
شوصارت شغلتك بس غسل للأموال
يا بنگ المركزي يمعلگ الرايات
لبنوگ اوفرخت تشتغل بالممنوع
چا وينه دولتك ؟ يا ريس العارات
***
ياخذ بالصور فرحان چن طاووس
كل هاذي شغلتك يالچنه نترجاك؟
كتال الشباب ايصول شوفه ايجول
چا ويـن الوعد من تاخـذ الثارات
***
مثل دهن اودبس بامريكا فرحانين
من جنتوا خدم وابصدر دبابات
چا شنهي الحدا من البدا واليوم متبدله
صارت مهزله اومشتغله كاشيوكات
-----------------------------------------
24/أيلول/2020
ســــــــــــــــــتوكهولم

#ميسون_نعيم_الرومي (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات