الحب صعب

رشا كرم مكرم

الحوار المتمدن-العدد: 6686 - 2020 / 9 / 24 - 16:47
المحور: العلاقات الجنسية والاسرية
    

صعب اوووي لما تكون بتحب بكل كيانك واخلاصك وصدقك ومتلاقيش مقابل او تقدير من الطرف التاني لكدة
صعب اووي لما تيجي تعاتبه علي حاجة او تصرف ضايقك منه وتلاقي عكس توقعاتك من رد فعل غريب وهجوم منه يصدمك بدل ما يراضيك ويقولك طب حقك عليا انا اسف مكانش قصدي اضايقك بل بالعكس يتهمك بالغباء وانك مبتفهمش وانك انت اللي غلطان وازاي تعاتبه ويعني ايه تقوله انا زعلان منك والمطلوب منك انك ترضى بأمر واقع انت مش مقتنع بيه او راضي عنه علشان بتحبه ومتقدرش تعيش من غيره وخايف تخسره
صعب اوووي اما تراضي اللي بتحبه بحاجات انت مش مقتنع بيها ومش راضي عنها عشان مش قادر تواجهه وتقوله لا كدة مش صح عشان خايف علي حبه ومش قادر تبعد عنه
بس لما تيجي على نفسك مرة واتنين وعشرة بتبقى خلااااااص مش قادر تستحمل وتبقي مشاعرك ارهقت واستنزفت كفاية
وانت شايفه بيضايقك بتصرفاته وانه مش بيحترم مشاعرك مع انه عارف ان الحاجة دي بتضايقك لكن بالنسبة له عادي وانه مبيعملش حاجة غلط وانا كدة وده اسلوبي وانا حرفي تصرفاتي اللي هو اتفلق اصلك مبتفهمش
ومبقتش قادر تعاتبه او تواجهه عشان عارف رد فعله
ووصلت لسقف استنزاف لطاقتك وحاسس انك بتيجي علي عزة نفسك وكرامتك عشان خاطر اللي بتحبه اللي هو مش حاسس بكل ده اصلا وكل اللي همه حريته ونفسه وانه ازاي يستنزف حبك وطاقتك بس عشان تبسطه هو وانت مش مهم
تبقى عايز تنسحب بعد ما عملت كل حاجة عشانه وبذلت كل طاقتك ومجهودك في انك تراضيه علي حساب نفسك وكرامتك عشان خاطر تشوفه اسعد انسان في الوجود وضحكته منورة الدنيا
ولما تقوله انا خلاص هنسحب من حياتك مبقتش قادر اكمل معاك فهو بيتهمك انك مش حاسس بيه وانك جيت عليه وهو مش فارق معاك مع انك من جواك مش قادر تسيبه وتبعد عنه بعد ما حبيته كل الحب ده واتعودت علي وجوده في حياتك وبتتوجع من جواك وانت بتقوله كده
بس هو اللي اضطرك تعمل كدة بالعكس ده عين العقل انك اتصرفت كدة بعد ما استنزفك نفسيا وصحيا وقلت لنفسك كدة احسن انت مش مجبر انك تكمل معاه بالطريقة دي انت عايز تحب وتعيش كل لحظة حلوة مع اللي بتحبه اللي المفروض يحسسك بالامان مش بالكلام بس بتصرفاته ليك وانك زي ما بتحترم مشاعره هو كمان لازم يحترم مشاعرك
الحب صعب مش اي حد يقدره ويفهمه صح ولان الحب مساواة بين الطرفين مش نسبة وتناسب

#رشا_كرم_مكرم (هاشتاغ)      

---

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات