محمد الهاشم
الحوار المتمدن-العدد: 6682 - 2020 / 9 / 20 - 15:14
المحور:
الادب والفن
حمد زيح التراب وگوم
شوف ابوابنه مشرعه#
حمد سار القطار بليل
وبيه السمره امفرعه #
وقطار الشوگ يابو حميد
محد يگدر يرجعه #
حرامية لفونه بليل
وباگوا شطنه والبدعه #
وباگوا كل محاصيلة
وطفوها بليلنه الشمعه #
وبساتين الوطن يحمود
عليها اعيونه مدمعه #
خلونه نتباچه ونندب الفلاح
بلچي البيدر يرجعه #
حمد يبني تراها الگاع
ما بيه زلم فزعه #
وتصرخ وين ابو الغيرة
يرد العايل يرجعه #
مابيه حمد مابيه ذاك حمود
مابيه التحزم لوندب ربعه #
فزعنه وثارن الچيلات
لگينه ذياب عند الباب مجمعه #
كَلتْ بينه الشهم والزين
وكل اولادنه البرعه #
حمد يبني عزيزة الگاع
والديوان والچانون والربعه #
لاتندب غريب وياك وطمّعه #
بس ابن السلف والزين
وبس خيالها البگعه #
#محمد_الهاشم (هاشتاغ)
كيف تدعم-ين الحوار المتمدن واليسار والعلمانية
على الانترنت؟