أخر حاجة - من ديوان محدش غيرى

اشرف عتريس

الحوار المتمدن-العدد: 6498 - 2020 / 2 / 24 - 20:49
المحور: الادب والفن
    

آخر حاجة

(1)
انت اللى رايح للموت تقابلهم ,,
ولاّ ماشى فى بحر من رذاذ وحيد ضعفان
منك لحالك زى صاحب الكيف
لما تهيل الشوارع عليك الضل
تحس بالغرق ..
وتاخدنى معاك لدموع الناس
نبات فى الطل

!!

(2)

شكوتى من غير علّه مش مرض ،
ده الندر مقطوع عنى مايوفى ،
حالف عليا مادوق التمر ولا اعرف طعم الحلا ،
ياليل نطاح وعنيك قوية ،
مهياش ليله وفراقها صبح وبعدها الضحى ،
ده العمر طايله الأذى ،
مشارك نص الدنيا غصب حد الموت ،
وانت اللى قاصدنى ومش بتموت !!


&&&&


(3)

البحر نعسان وبيحلم بالنورس ..
وعيال بترقص على مزيكا طالعه من جوف النهر ..
أنا زى البحر بحلم يموت القرصان ..
أنا زى البحر فى عينى خريطه لجزيرة الشعر الحقيقى ..
وحزن أهلى ..
وغربة صحابى ..
وليالى الفرح ..
مع انى عمرى ما كنت وحيد ..
ولا عاشق خلوة المحبين
بس كنت شبه حورس

!!

#اشرف_عتريس (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين	حوار مع الكاتبة السودانية شادية عبد المنعم حول الصراع المسلح في السودان وتاثيراته على حياة الجماهير، اجرت الحوار: بيان بدل

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات