ميلاد عمر المزوغي
(Milad Omer Mezoghi)
الحوار المتمدن-العدد: 6460 - 2020 / 1 / 9 - 17:56
المحور:
الادب والفن
يا ليبيا هاذون
موش ضناك
أنت تشبحي
نصبوا خيم
عـــزاك!
********
يا ليبيا
هـــاذون
"بـــزق اللـــيف"
اللي مومعاهم
ليه حد السيف
داروا عمايل تصعب
على التوصيف
كم من شباب
ماتوا على سبّاك
*********
زيدك عز
وللي نواك بِشر
قولي طز
صيورا إيجيه
يوم اويحطز
يقعد حطيطة
الرب ما ينساك
*****
زيدك هيبة
اللي جاك غازي
ما حصد
غير الخيبة
تخوخم داير
في البلاد مصيبة
جيشك تحرك
توا إيرد أكفاك
*************
#ميلاد_عمر_المزوغي (هاشتاغ)
Milad_Omer__Mezoghi#
كيف تدعم-ين الحوار المتمدن واليسار والعلمانية
على الانترنت؟