عجيل جاسم عذافة
الحوار المتمدن-العدد: 6437 - 2019 / 12 / 14 - 19:10
المحور:
الادب والفن
انا اريد اسمع
ولو من حُبي كِلمهْ او هَمسٰ او بحّهْ صوتْ
صارتْ الدنيا علينا ذي ثَقيله وهمْ سكوتْ
الوادم تعيش على اكّلهْ
واني صاير ملاگاكِ اليَّهْ احلى قوتْ
انت بستاني الاحبه
انت ِ زيتونه استظِلّها وهمّه توت
شما اريد اسكت وابطّل
شوفي اديَّه تگلي فوتْ
هل اصابع تكتب لوحدها
صارت يمكن يناغيها قلبِك وبسكوتْ
اني احبك شنهي اكثر من احبّك
كلمه تنگال بصلاتك والقنوتْ
يمكن الدنيا عزيزه واعز مابيها
الاحبه هذا غصبن عَ الشَموتْ
ولو اخيّر بين اعوفك او اموتْ
لا انا اختار قربك حتى لو هسّه اموتْ
انتِ غصني وانا ريّك
والغصن من دون ريّه تذبل اوراقه فتوتْ
انت شجره وكلها اوراقك زهر
وما فيهْ من عطرك بتوتْ
#عجيل_جاسم_عذافة (هاشتاغ)
كيف تدعم-ين الحوار المتمدن واليسار والعلمانية
على الانترنت؟