طارق سعيد أحمد
الحوار المتمدن-العدد: 6421 - 2019 / 11 / 27 - 23:54
المحور:
الادب والفن
انت شايفني إزاي
راشق ضوافره
الخوف في ملامحك
وإعادة ترتيب أفكارنا
مرهونة بوقف الكواكب
علي طراطيف صوابعها
وتحريك الزمن خطوتين
قدام
تلويحك المنظم
للطيارات الورق
حشى تحت لحمك
قش
ولم عليك كل خيوط
العناكب
انت شايفني إزاي
بعد اختفاء غابات
الكاكاو
وجوز الهند
والبندق
والنحل
إزاي شايفني؟
إنت عينيك شايفه عينيك
والمسافة بين إيدك اليمين
والشمال
هواجس مراهقة
وحبو هلاوس عنيفة
شايفني إنت إزاي؟
وسط أصوات
الأزرق
والبرتقالي
والإسود
دايما
إبدأ من هنا
أنا
وأنتهي زي الشموع
المرعبة
لحظة عتم
تتخيلك إيه؟
وأنت من حواليك
أشكال كتير
ووشوش
ودموع بتمشي علي الحيطان
ترسم خرايط مدهشة
شفت الوحدة
شفت إزاي؟
النصل اللامع لامس ضهرك
#طارق_سعيد_أحمد (هاشتاغ)
الحوار المتمدن مشروع
تطوعي مستقل يسعى لنشر قيم الحرية، العدالة الاجتماعية، والمساواة في العالم
العربي. ولضمان استمراره واستقلاليته، يعتمد بشكل كامل على دعمكم.
ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في
استمرار هذا المنبر الحر والمستقل، ليبقى صوتًا قويًا للفكر اليساري والتقدمي.
كيف تدعم-ين الحوار المتمدن واليسار والعلمانية
على الانترنت؟