الحكومة والبرلمان

كاظم الخليلي
(Kadhem Alkhalili)

الحوار المتمدن-العدد: 6416 - 2019 / 11 / 22 - 14:30
المحور: الادب والفن
    

هذي الحکومة للوطن بلوة
ومصايب عالشعب هالبرلمان
من طاح حظ أبو الحکومة لابو أبو البرلمان

عربانة رخيصه مکسرة
ما تمشي الچروخ مپنچرة
نعلة علة أبو الباع وشرة
لابو اليوفي الديان
طاح حظ أبو الحکومة لابو أبو البرلمان

سكراب خردة مزنجرة
أستيراد خايس مصدرة
أحترگوا أهل أنگلترة
لابو أبو الأمريكان
طاح حظ أبو الحكومة لابو أبو البرلمان

هذي الحکومة فلته من الاساطير
سيفونات مدگوگه بالبسامير
ظرطه وتايهه بسوگ الصفافير
نعجه تدلي الثيران
طاح حظ ابو الحکومه لابو ابو البرلمان

هذي الحکومه للاهانه مسطبه
حصان کلمن يسوگه يرکبه
المسکين صمطت مذهبه
خوف وقلق ما کو امان
طاح حظ ابو الحکومه لابو ابو البرلمان

برنو عتيگه مجيمه
عميه وغبيه مگرمه
غبرة وكريهة مدلهمه
حولي ويسابق غزلان
طاح حظ ابو الحکومه لابو ابو البرلمان

هذي الحکومه ساقطه بربوگ
تدور طلايب وتفتگ فتوگ
فضيحه والفلم محروگ
ولمت علينه الجيران
طاح حظ ابو الحکومه لابو ابو البرلمان

هذي الحكومة قندرة
لنگات نمره محيرة
تمشي صفح ترجع ورة
مرة تضيع الكرته ومرة يطگ القيطان
طاح حظ أبو الحكومة لابو أبو البرلمان

حکومه بلائات وغضب
مشاکل وآلام وتعب
همهه المناصب والرتب
والدستور فاسد خربان
طاح حظ ابو الحکومه لابو ابو البرلمان

صخلة الحکومة بس ماتنحلب
تنک وباغه وگرون خشب
لا تنأکل لا تنرکب
ويترجه خير البطران
طاح حظ أبو الحکومة لابو أبو البرلمان

هذي الحکومه محراث تنور
گحف ازرگ جوه الدرج مکسور
لا تنشلع بالسحر لا تنفع نذور
مستكي والمزة بيتنجان
طاح حظ ابو الحکومه لابو ابو البرلمان

هذي الحکومه للکاوليه دف
يابسه چنهه مکناسة سعف
لا تنفع للکنس لا للعلف
ولا سبحه وتسلي الحيران
طاح حظ ابو الحکومه لابو ابو البرلمان

طرگاعه سوده مصخمه
چولة محروگه مفحمه
زبالة بنص الطريق مکومه
وريحة عفن بالدخان
طاح حظ ابو الحکومه لابو ابو البرلمان

القادة ألقاب وأسم
من حچيه فنك تفتهم
حيوان نص وجهه خشم
وبأذنه يكش الذبان
طاح حظ أبو الحكومة لابو أبو البرلمان

عصابات للجريمة والنذالة
تکتلات للخيانة والسفالة
تيارات عريضة للعمالة
کومة مطايا وبعران
طاح حظ ابو الحکومه لابو ابو البرلمان

ساعة حرب ساعة سلم
ندوات ودورات وقمم
ومن تخلص سنين الحكم
يطلع الحجي زعلان
طاح حظ أبو الحكومة لابو أبو البرلمان

راح النفط راح الذهب
فگر چلچل عله چتاف الشعب
شيخ أسمه ويالبواسير انکتب
والمواطن حاير جوعان
طاح حظ أبو الحکومة لابو أبو البرلمان

واحد ضرب واحد هرب
واحد سلب واحد نهب
راحت السلة والعنب
والقاضي گلب بالميزان
طاح حظ أبو الحكومة لابو أبو البرلمان

هذا حلم ؟ هذا علم ؟
ماكو بهالدولة زلم ؟
حمودي يطلع بالفلم
مگموع صاير طرزان
طاح حظ أبو الحكومة لابو أبو البرلمان

ضيعوا الدولة والعلم
من ظيمهم محد سلم
بنص البحر أنزرف البلم
والموج هايج طوفان
طاح حظ أبو الحکومة لابو أبو البرلمان

كلهم دجل كلهم کذب
ساعة وهالسفينة تنگلب
ألچان يشربهه چعب
عالريحه دايخ سكران
طاح حظ أبو الحكومة لابو أبو البرلمان

العن ابو التوفيق لابو ابوهالقسمة
ابتلت الناس بحکومه نقمة
تحچي ويالخبل والخبل شيفهمة
اعمة البخت وتگوده حولان
نعلة علة أبو الحكومة لابو أبو البرلمان

#كاظم_الخليلي (هاشتاغ)       Kadhem_Alkhalili#          

---

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات