الحياه

نورا فريد ميخائيل

الحوار المتمدن-العدد: 6133 - 2019 / 2 / 2 - 17:13
المحور: الادب والفن
    

حياه بجيلها وانا لسه رضيع
مش عارف يمين من شمال
وأكبر وانا كلي آمال
لكن ف لحظه كله يضيع
هو صحيح احساس فظيع
ولكن وانا كلي عزم وإصرار
ومهما صاب الروح اضرار
تلاقيني احاول واقوم من تانى
وعندى لسه فيكي يا دنيا أمانى
مش ممكن احبس نفسي جوة جدار
أو حتي استسلم للي صار

حياه اتمني أعيشها
وحياه تانيه عايشها
بتألم فيها وأسلم
ومش عارف إمتي هسيبها

حياه عايزها انا وانت وهو
نقرب ليها ونرجع
وشوقنا إليها بيوجع
ويألم القلب من جوه

حقيقي دنيا غريبه وصعبه
محدش فيها عارف غايته
احيانا يحس انها لعبه
واوقات تعجل ونهايته

وادينا عايشين ومش عارفين
لفين رايحين ،أو وخدانا لفين ياسنين
حبه ألم ،وحبه حنين
وهم وتعب دايما شايفين
حتي لو إحنا مش راضيين
بس بنعافر وادينا عايشين
بنتقابل مع ناس خاينين
وناس حلوة طيبين
واحيانا ناس صعبين
يملوا حياتنا بكا وانين
وناس غيرهم يعوضونا حنيين
وكده كده ادينا عايشين

#نورا_فريد_ميخائيل (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات