جواد القابجي
الحوار المتمدن-العدد: 1508 - 2006 / 4 / 2 - 05:42
المحور:
الادب والفن
(( وصية أمّي ))
تگول أمّي ..
طريقك صعب ..
وعليك الظلام إيدور ..
او لون لحظه اوگفت ..
يوليدي .. مو معذور ..
لأنك للحزب ..
من الزغر .. منذور ..
گضّينه العمر ياوطن .. بالمنفه ..
او بقت ذيچ المحبّة ..
او زادت اللهفه ..
طغت بينه الأراذل .. حيل ..
يو بالقتل يو تشريد ..
يو بعيونهه الصلفه ..
او كلما صار بينه إيهون ..
بس يبقه الحزب ..
متبسّم .. او مسرور ..
على ظهر الگلب ..
أحفظ وصية أمّي ..
ولاهاب أنه الموت ..
او لا سفِك دمّي ..
بس يا حزب ليظل خاطرك .. مكســـــــــــور..
يا أمّي .. النِذر يوصل ..
لون صارت دمانه إبحــــور ..
وصيتچ .. للنذل منذِل ..
وصيتچ .. للجدم ميزِل ..
اوتگول أُمّي ..
لون زل الجدم منك ..
أبد ما ينغسل عارك ..
تظل العمر كلّه ..
إمدنِِّگ أو مكسور ..
يا عمر البنيته ..
يا شامخ هويته ..
أساسه إمحبّة الناس ..
او تاجه الوطن عالراس ..
السواعد بالتعاضد ..
للوطن ســــــــــــــور ..
إطمأنّي يا إحبيبَه ..
إبوصيتچ ..
عالي راس الحزب ..
منصــــــــــــــــــور ..
#جواد_القابجي (هاشتاغ)
كيف تدعم-ين الحوار المتمدن واليسار والعلمانية
على الانترنت؟