محاضرة جيل دولوز، 17 مارس 1987: شنوّة معناها ابداع؟ (جزء 3)

ضياء البوسالمي

الحوار المتمدن-العدد: 5810 - 2018 / 3 / 9 - 19:17
المحور: الفلسفة ,علم النفس , وعلم الاجتماع
    

اذا كان نعملو بلوك تع حركة في الوقت، يمكن وقتها نجمو نقولو الي نحنا نعملو في السينما. لاحظو الي لحكاية ماهيش مربوطة بحكيان قصّة ولا رفضها. كل شي عندوة قصّة. الفلسفة زادة تحكي قصص. تحكيي قصص بالمفاهيم. السينما، نتصوّر، خلينا نفترضو، انها تحكي قصص بمجموعة البلوك تع الحركة في الوقت. نجّم نقول الي الرسم يخلق في نوع آخر تع بلوك ماهوش بلوك تع مفاهيم ولا هو بلوك تع حركة في الوقت، أما باش نفترضو الي هوما بلوك تع خطوط وألوان. الموزيكة تخلق في نوع آخر تع بلوك ماهوش كيما لخرين جملة وخاص بيها وحدها. أما في وسط هذا الكل، نحب نقول الي العلم ماهوش أقل منهم في حكاية الخلق والابداع. مانيش نشوف في تعارض بين العلوم والفنون. هذا الكلّ وكان تسأل عالم:"سنوّة تعمل بالضبط؟" لهنا زادة هو قاعد يخلق، ماهوش يكتشف. الاكتشاف موجود أما هو مالو الا جزء أكهو أما موش منو هو نعرّفو حاجة علميّة في حد ذاتها. العَالِمْ، يخلق يبدع كيما الفنان بالضبط. باهي، باش نبقو في تعريفات عامّة كيما الي قلتهم ملول، العالم راهو كيما تعرفو، وماهياش معقدة لحكاية، هو يخلق في مجموعة تع فونكسيون* شنوّة هي الفونكسيون؟ منجموش نعرفوها كان هكّة بطريقة بسيطة كيما حاولت أنا، مادامنا باش نبقو في مستوى تع تفسير موش متعمّق برشا؟ موش على خاطركم ماكمش باش تفهمو كيف نفسر لا.. أما أنا كان نتعمّق نلقى روحي ضايع فيها.

#ضياء_البوسالمي (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين	حوار مع الكاتبة السودانية شادية عبد المنعم حول الصراع المسلح في السودان وتاثيراته على حياة الجماهير، اجرت الحوار: بيان بدل

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات