قصيدة عيون حبيبى ملهاش نهاية

مصطفى راشد

الحوار المتمدن-العدد: 5653 - 2017 / 9 / 28 - 22:32
المحور: الادب والفن

قصيدة - عيون حبيبى ملهاش نهاية
------------------------
عيون حبيبى ملهاش نهاية
واحدة دكر والتانية نتاية
لما أكلمه بيزمجر ويطَلع صوت بقَرَايَة
ولسانه معجون بفنون القبح والسفالة
تقولش بهيم ماشافت عينه يوم رباية
وأستاذ فى الكأبة والرخامة والندالة
وأسلوبه عالى رفيع فى الخبث والرزالة
ومايعرف غير النكد والمشاكلة معايا
وشره غريب فشر التعابين والحداية
وغباءه نموذج غريب متركبله بعناية
يشوف البياض سواد والضلال هداية
والبدنجال مانجة والبطيخة عنباية
مش قولتلكم عيون حبيبى ملهاش نهاية
واحدة دكر والتانية نتاية
يعترض ويقاوح -- مزاج من غير علم أو قراية
وعاملى كمان مؤمن بسبحة وتحجيبة وفلاية
ويقرأ القرآن بالمقلوب ويألف فى الأحاديث والرواية
ويجاوب فى غير المطلوب ويفرض رأيه عافية ونطاعة
وهو ياكل مال النبى ويتغدى بالملايكة والصحابة
وكمان بيفتى بجهل ويبجح فى الأقتصاد والثقافة والسياسة
وفكاهى -- عاملى غزال أبن التعالب والديابة
وسحنته الحمارى تقرف أى صورة ومراية
ياريت بس يطول -- ويشوف وشه فى المراية
علشان تبقى دى البداية والنهاية
وَلاَ جمال رسمه وكسمه النسانيسى البعاجيرى حكاية
ملهم للكتاب والشعرا الكل يهاجموه بضراوة وعناية
وبكل غل سواء محترفين أومن أصحاب الهواية
وكمان ملهم بعيد عنك للزبالين والطراشين وقليلى الرباية
مهو سليط اللسان وقبيح الكلام بوفرة وكفاية
ومن النوع البراميلى مايغطيه غير الحصيرة والملاية
ومَشَيَته فشر السيد قشطة أو الخرتيت أبو دلاية
وعمره ماقال كلمة صدق العسل ده ابن النكداية
وكل مايشوفنى لوحدى يقولى مين جنبك
مش بقولكم عسل وسكر المضروب سليل العرساية
أصل عيون حبيبى ملهاش نهاية
واحده دكر والتانية نتاية
عقبال عندكم تنولو سعدى وهنايا
قصيدة - للشيخ د مصطفى راشد

#مصطفى_راشد (هاشتاغ)

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل
حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على: الفيسبوك التويتر اليوتيوب RSS الانستغرام لينكدإن تيلكرام بنترست تمبلر بلوكر فليبورد الموبايل

كيفية إشراك-إيصال مواضيعكم أو مواضيع تهمكم إلى اكبر عدد ممكن من القراء والقارئات

رأيكم مهم للجميع - شارك في الحوار والتعليق على الموضوع
للاطلاع وإضافة التعليقات من خلال الموقع نرجو النقر على - تعليقات الحوار المتمدن -

تعليقات الفيسبوك () تعليقات الحوار المتمدن (0)

* الاسم الثنائي او الثلاثي

* البريد الالكتروني

* عنوان التعليق

التعـلـيـق

عدد الحروف المتبقية

الاسم يجب ان يكون الثنائي او الثلاثي و بالعربية فقط ولاتقبل الاسماء الرمزية
أعلمني عن التعليقات الجديدة على الموضوع

| نسخة قابلة للطباعة | ارسل هذا الموضوع الى صديق | حفظ - ورد
| حفظ | بحث | إضافة إلى المفضلة | للاتصال بالكاتب-ة
عدد الموضوعات المقروءة في الموقع الى الان : 4,294,967,295