مجرد خواطر.. ابنص الليل!!

طالب الجليلي
(Talib Al Jalely)

الحوار المتمدن-العدد: 5600 - 2017 / 8 / 3 - 04:55
المحور: الادب والفن
    

مجرد خواطر ابنص الليل!!

مو كلت اوكلت
تعدّانا الوكت
بسك يا غضب
مو
كافي
تجوي
اجلاي

يا وكاحه من تبدي
اوتجفي
اوترد..
جا انا كلبي صخر
وتكلي بعد
لا
أترد
ونته تدري
انته الزرعت امن الزغر
وبعمري حبّك
داي !!

بعيونك سواليف اوقهر
وبكل جلمه من تكتب
تدري يفلان
يزداد
القهر

يلجنت مني بس
طفرة نهر

غلست !! ياحيف
شوّرت بيه
اوصرت
كشايه بعيوني
اوصرت
انته واحلفلك
سهر

جا شنهي انته
؟؟؟!
كل لحظه كل عمري
أنشد

مره روحي
مره طيفك
مره الله !!
وردود الك
تدريني
أرد..!
كافي مو مليت
كافي يمعابى يا
موش انته
انا
كافي مو هذا كدامك
بعد
وشله من ذاااك
العمر


تمنيتك يا حبيبي يمي
وكلك
ألف
وتكلي
باء


تمنيت السوالف
سكته
مثل
كطرات الندا
ماتدري بيها
لكنها مطر
ما بيها
نااء !!!


( الك عندي سوالف ما يكفي الليل)
ونته تدري من زمان
انته انته
انته اللي نديه
اجروح هجرك
ادج بيها ملح
ليليه
وكلك
دجها بجفافك
يا حبيبي
وكللك ..
حيييل..!!!

2 اب 2017

#طالب_الجليلي (هاشتاغ)       Talib_Al_Jalely#          

---

اشترك في قناة ‫«الحوار المتمدن» على اليوتيوب
حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين	حوار مع الكاتبة السودانية شادية عبد المنعم حول الصراع المسلح في السودان وتاثيراته على حياة الجماهير، اجرت الحوار: بيان بدل

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات